Gushti, muaji i futbollit – Nga fillimi i kampionateve kryesore, super-ndeshjet dhe shorti i Ligës së Kampionëve

Muaji gusht pritet të jetë i mbushur me aktivitete futbollistike, pasi pritet të fillojnë shumica e kampionateve elitare dhe shorti i Ligës së Kampionëve.

Gushti ka filluar sot (e enjte), por pritet të jetë i gjatë sa i përket aktiviteteve të futbollit.

Kjo pasi gjatë këtij muaji pritet të fillojnë të gjitha kampionatet kryesore në Evropë, por edhe gara më e madhe e ekipeve, Liga e Kampionëve.

Lexo po ashtu Kur mbyllet afati kalimtar? Nga Evropa në Azi e Amerikë, datat e mbylljes së shit-blerjeve të lojtarëve

Përveç kësaj, në këtë muaj do të mbyllet afati kalimtar në Ligën Premier, teksa pritet të ketë shumë ndeshje interesante.

Të shtunën me 3 gusht, është ndeshja e Superkupës së Gjermanisë mes Bayern Munichut dhe Borussia Dortmundit, ndërsa po këtë ditë do të luajnë edhe Paris Saint-Germain dhe Rennes në Superkupën e Francës.

Një ditë më vonë, Liverpooli dhe Manchester City do të luajnë në Community Shield, ndërsa të enjten (8 gusht) mbyllet afati kalimtar në Angli.

Më 9 gusht (e premte) fillon Liga Premier dhe Ligue 1, ndërsa ndeshja kryesore e javës së parë në Angli do të jetë ajo në mes të Unitedit dhe Chelseat me 11 gusht.

Të premten e 16 gushtit fillojnë edhe La Liga dhe Bundesliga. Më 17 gusht, City dhe Tottenham përballen në Ligën Premier, ndërsa më 24 gusht është ndeshja mes Liverpoolit dhe Arsenalit.

Serie A pritet të fillojë të dielën e 25 gushtit, ndërsa shorti i grupeve të Ligës së Kampionëve do të jetë më 29 gusht (e enjte). /Telegrafi/

We back 😍 pic.twitter.com/YAYFKXBpiu

— B/R Football (@brfootball) August 1, 2019