Guardiola dhe De Bruyne patën një bisedë prekëse pasi Man City fitoi Ligën e Kampionëve

Tifozët e Manchester Cityt po e duan absolutisht bisedën emocionale midis trajnerit Pep Guardiola dhe yllit të ekipit, Kevin De Bruyne, pas triumfit të tyre në Ligën e Kampionëve.

City më në fund arriti të fitojë Ligën e Kampionëve pasi mposhtën Interin me rezultat 1-0 në finalen e zhvilluar në Stamboll në fillim të këtij muaji.

Ka qenë misioni i Guardiolës për të fituar trofeun prestigjioz që kur ai iu bashkua klubit në vitin 2016, pasi pësoi dhimbje në vitin 2021 kur skuadra e tij humbi nga Chelsea.

Por, ai më në fund mori trofeun në duar pas fitores së ekipit të tij ndaj Interit dhe u dëshmua të ishte një udhëtim emocional.

Kjo gjykohet nga interaksioni i 52-vjeçarit me mesfushorin belg, De Bruyne, pas përfundimit të ndeshjes, i kapur nga filmi zyrtar i shkurtër i Cityt.

Reprezentuesi belg falënderoi Guardiolën, i cili tha: “Ne ia dolëm. E bëmë. Ia dolëm. Shtatë vjet luftë, ia dolëm. E bëmë, Kev! Tani e kemi!”.

An emotional Pep Guardiola to Kevin de bruyne, "We did it!…….Seven years of fighting we did it!"pic.twitter.com/UU27VA88P7

— Managing City (@Managing_City) June 21, 2023

Tifozët e kampionit të Evropës e pëlqyen momentin prekës mes Guardiolës dhe De Bruyne.

Kjo është hera e tretë që Guardiola fiton Ligën e Kampionëve si trajner, pasi e ka fituar atë dy herë gjatë periudhës së tij te Barcelona.

Por, ishte hera e parë që De Bruyne kishte fituar garën evropiane gjatë karrierës së tij. /Telegrafi/