Grupi ABBA zbulojnë se nuk do të performojnë më dhe as nuk do të lansojnë muzikë të re teksa nisin një seri koncertesh novator

Agetha Faltskog, Bjorn Ulvaeus, Benny Andersson dhe Anni-Frid Lyngstad do të ribashkohen për herë të fundit përpara se të kalojnë stafetën te performancat e tyre digjitale.

Nuk do të ketë më paraqitje në grup, nuk do të ketë më muzikë të re dhe sigurisht nuk do të ketë më shfaqje live për muzikantët.

ABBA ka shitur pothuajse 400 milionë disqe, ka arritur të pozicionohet me nëntë këngë numër 1, ka pasur një hit muzikor dhe një nga rikthimet muzikore më të shumëpritura të të gjitha kohërave.

Por, ndërsa ata hapin rezidencën e tyre novatore të koncerteve ABBA Voyage në ABBA Arena në Lindjen e Londrës, kjo do të shënojë një fund për këngëtarët e vërtetë pasi teknologjia novator merr përsipër të performojë në shfaqjen e re revolucionare, shkruan The Sun.

Në një intervistë ekskluzive me “Bizarre”, Bjorn konfirmoi se shokët e tij të grupit do të jenë të gjithë atje, pavarësisht pyetjeve nëse Frida dhe Agnetha e cila ka një frikë nga fluturimi, do ta bënin këtë udhëtim.

“Po. Do të jetë kaq e veçantë, të gjithë jemi duke u përgatitur për të. Frida pa një pamje paraprake dhe Agnetha nuk e ka parë ende. Shfaqjen do ta shijojmë së bashku me shumë e shumë fansa. Ne duam vetëm të ulemi dhe ta shijojmë atë”, tha Bjorn i pyetur nëse do të jenë të gjithë aty.

Bjorn u martua me Agnetha në vitin 1971 dhe ata u divorcuan në vitin 1980. Benny, 75 vjeç dhe Frida ishin të martuar nga viti 1978 deri në 1981. Bjorn beson se ata tani janë më afër se kurrë.

“Unë do të thoja se është edhe më e fortë tani kur takohemi. Kemi kaluar shumë bashkë. Mbi të gjitha, fakti që ne mund të realizojmë një gjë si ky projekt, dhe që njerëzit ende na shohin si të rëndësishëm dhe dëgjojnë muzikën tonë, kjo do të thotë se ne kemi diçka, ne të katërt, të cilën nuk mund ta përshkruaj ndryshe përveçse një lidhje shumë, shumë e veçantë”, shtoi ai.

Grupi mahniti fansat kur publikuan albumin e tyre “Voyage” vitin e kaluar, i pari në 40 vjet dhe u rendit në numrin 1 në toplista.

Megjithatë, artisti ka insistuar se kjo është muzika e fundit që grupi do të publikojnë.

“Kur bën një gjë të tillë, nuk e di se si do ta marrin njerëzit. Ishte me kaq krenari që ne publikuam atë album. Nuk mendoj se do të ketë më muzikë me ABBA. Mendoj se ky ishte padyshim albumi ynë i fundit”, tha ai.

Shfaqja moderne e ABBA Voyage do të përfshijë versione digjitale të grupit, që duken si në kohën e tyre të lulëzimit, duke performuar hitet e tyre më të mëdha para një audiencë prej 3000 personash.

Kanë kaluar pesë vjet në përgatitje, pas një fillimi të rremë që përfshinte teknologjinë holograme e cila u konsiderua shumë e modës së vjetër për projektin.

Pastaj ata morën kompaninë lider në botë të efekteve speciale, “Industrial Light & Magic” për ta krijuar atë.

Lexo po ashtu Publikohen nominimet e Grammy Awards 2021 - shqiptarët mbesin jashtë, ABBA marrin nominimin e parë në karrierë

Për të dhënë një shkallë, 160 kamera u përdorën për të regjistruar ABBA nga çdo kënd, më pas 1000 njerëz punuan për krijimin e avatarëve. Dhjetë milionë orë llogaritje janë dashur për të përfunduar projektin.

“Nuk ka pasur ende një film me atë lloj rezolucioni që do të shihni në ABBA Arena”, shpjegon Bjorn.

“Dikush më tha se vitin e kaluar ky ishte projekti më i madh i filmit në botë.Ajo që më tërhoqi në fillim ishte ideja për të shtyrë kufijtë dhe për të bërë diçka që askush nuk e kishte bërë më parë”, anëtari i ABBA. /Telegrafi/