Grabit me armë pompa e derivateve kapet brenda pak kohe

Një grabitje ka ndodhur rreth orës 05:53 në autostradën Vlorë-Fier, në mbikalimin e Novoselës një person i maskuar me kapuç në kokë dhe nën kërcënimin e armës së zjarrit – Automatik, ka marrë me forcë një sasi parash prej 24.000 lekë të rinj dhe është larguar.

Menjëherë shërbimet e policisë me marrjen e njoftimit janë shpërndarë në terren, duke kontrolluar jo vetëm akset rrugore por edhe krehjen e zonës përreth derisa ranë në gjurmët e autorit dhe bënë të mundur kapjen e tij brenda një kohë shume të shkurtër.

I fshehur nëpër shkurre midis fshatrave Aliban-Akërni, kapet dhe arrestohet në flagrancë autori i ngjarjes, shtetasi:
Mariglen Miftaraj, 27 vjeç, banues në fshatin Plashnik, Berat, raporton Tch.

Nga hetimet intensive të kryera, u bë zbulimi dhe dokumentimi i një ngjarje tjetër, konkretisht ky shtetas para se të kryente grabitjen në fjalë, rreth orës 00:40 të mëngjesit të sotëm, në të njëjtat kushte ka vjedhur edhe një karburant tjetër brenda Novoselës në pronësi të shtetasit Y.B, ky dyshohet se ka marrë një sasi parash prej 3.000 lekë të rinj.

Kapja e tij në flagrancë është shoqëruar edhe me sekuestrimin e materialeve si më poshtë:

– Armë zjarri Automatik – Kallashnikov
– Kapuçi, që përdori për maskim
– Një sasi parash prej 27.000 lekë të rinj dhe 150 euro.

Kryhen veprimet e tjera proçeduriale në lidhje me ngjarjen. /Telegrafi/