Google pritet ta blejë kompaninë e veshjeve elektronike Fitbit për 2.1 miliardë dollarë

Google ka lajmëruar se do të blejë kompaninë pajisjeve të fitnesit apo veshjeve elektronike, Fitbit për 2.1 miliardë dollarë.

Në një shkrim, shefi i pajisjeve pranë Google, Rick Osterloh tha se blerja e Fitbit është një mundësi e re për kompaninëe për të investuar edhe më shumë në Wear OS dhe produktet “Made by Google”, përcjell Telegrafi.

Lajmi vjen pak ditë pas një raporti të Reuters, që thoshte se motori i kërkimit është në bisedime për të blerë kompaninë e shquar të produkteve të fitnesit.

Sipas marrëveshjes, Fitbit do t’i bashkohet Google, ndërsa kompania do ta marrë privatësinë dhe sigurisë seriozisht dhe të dhënat e grumbulluara nga produktet e saj nuk do të përdoren për reklamat e Google. Nga ana tjetër softueri i Google do të ndihmojë produktet e Fitbit të bëhen më inteligjentë si dhe të integrohen më mirë me Android.

Blerja e Fitbit nuk është investimi i vetëm i fundit i kompanisë, pasi në vitin 2015 shpenzoi 40 milionë dollarë për ta blerë Fossil, një kompani për prodhimin e orëve të mençura. /Telegrafi/