Arian Agushi i njohur me emrin e artit si Gold AG ditën e sotme (e martë) feston ditëlindjen e 34-të.
Me këtë rast, ai ka pranuar dedikime të shumta dhe mjaft të veçanta nga miqtë, kolegët dhe fansat që mban në rrjetet sociale.
Një të tillë e mori edhe nga tashmë bashkëshortja e tij, doktoresha e estetikës Ermira Shkodra.
Ermira Shkodra (Foto: Instagram)
Kjo e fundit përmes një postimi të ndarë me ndjekësit në InstaStory ka shprehur dashurinë ndaj partnerit të saj.
“Urime ditëlindjen dashuri”, kanë qenë fjalët e saj.
Ndërkohë reperi nga Presheva në postimin e ndarë me fansat shkroi, “28 KORRIK 1986 #34”, duke treguar se sot kremton ditën e tij të lindjes.
Theksojmë që Gold AG me bukuroshen nga Gjilani kurorëzuan dashurinë e tyre me martesë një muaj më parë. /Telegrafi/
