Golashënuesit më të mirë në histori të Kosovës dhe Bullgarisë

Përfaqësuesja e Kosovës dhe ajo e Bullgarisë do të luajnë sot (e hënë) mes vete në kuadër të ndeshjes së vlefshme kualifikuese për Euro 2020.

Dardanët janë mysafirë të bullgarëve në ndeshjen e tretë të vlefshme për Grupin A, e cila zhvillohet nga ora 20:45 në stadiumin Vasil Levski.

Por, të dyja skuadrat do të kenë probleme për shënimin e golave, pasi iu mungojnë golashënuesit më të mirë.

Te Kosova golashënuesi më i mirë në histori është Arbër Zeneli me shtatë gola, por do të mungojë shkaku i lëndimit.

Në anën tjetër, te Bullgaria golashënuesit më të mirë janë Dimitar Berbatov dhe Hristo Bonev me nga 48 gola, por janë tashmë të pensionuar. /Telegrafi/