“Gjithçka mund të bëhet”, drejtori i Interit flet për Lukakun dhe Dybalan

Drejtori i Përgjithshëm i Interit, Alessandro Antonello konfirmoi se klubi mund të nënshkruajë me dyshen Romelu Lukakun dhe Paulo Dybala, duke respektuar gjithashtu ‘qëndrueshmërinë ekonomike dhe financiare’.

Nerazzurrët po ëndërrojnë për një treshe të sulmit Lautaro Martinez-Lukaku-Dybala, por shumë tifozë vunë në pikëpyetje realizueshmërinë e marrëveshjeve, duke marrë parasysh se klubi gjithashtu thuhet se duhet të gjenerojë 60 milionë euro në shitje për shkak të shqetësimeve financiare.

Megjithatë, drejtori i klubit, Antonello dukej i pa shqetësuar sot, duke sugjeruar që Interi kishte një plan në mendje për të arritur të pamundurën.

Duke folur në një ngjarje të kalërimit në Milano, Antonello diskutoi perspektivat e nënshkrimit të Lukakut dhe Dybalas këtë verë.

Lexo po ashtu Raportimet nga Argjentina: Dybala ka marrëveshje personale me Interin – pranon pagë shumë më të vogël nga ajo që kërkoi te Juventusi

“Është thelbësore të kombinohet konkurrenca në fushë dhe qëndrueshmëria ekonomiko-financiare. Kjo është puna që po bëjmë, të gjitha zgjedhjet që klubi do të bëjë në afatin kalimtar do të jenë gjithmonë të frymëzuara nga këto fjalë”, ka thënë fillimisht Antonello.

“Ne duam të jemi konkurrues në fushë, por nga ana tjetër duhet të respektojmë edhe aksionet që UEFA po merr në Fair Play Financiar në këtë periudhë kalimtare drejt rregullave të reja. Gjithçka mund të bëhet, por me konsideratë të madhe për qëndrueshmërinë ekonomike dhe financiare”.

Ai më pas dha një përditësim të mëtejshëm mbi situatën e Lukakut. Raportet e fundit sugjerojnë se Nerazzurrët janë afër arritjes së një marrëveshjeje me Blutë për një rikthim huazimi.

Lexo po ashtu Bisedimet mes klubeve përparojnë, Lukaku shumë afër huazimit te Interi

“Sigurisht që është dëshira e madhe e lojtarit për t’u rikthyer, duhet verifikuar fizibiliteti ekonomiko-financiar dhe të zgjidhen disa probleme teknike”.

“Deri në 30 qershor? Ne do të përpiqemi ta bëjmë atë në kornizën kohore të duhur”, përfundoi drejtori i përgjithshëm i Interit.

Interi është gjithashtu në prag të nënshkrimit me Dybalan si një transferim i lirë, pas skadimit të kontratës së tij me Juventusin. Sulmuesi argjentinas shënoi 15 gola dhe dha gjashtë asistime në 39 paraqitje këtë sezon për Bianconerët. /Telegrafi/