Gjermania thotë se paketa e sanksioneve ndaj Rusisë përfshin edhe gazsjellësin Nord Stream 2

Ministrja e Jashtme, Annalena Baerbock, ka thënë se Gjermania po përgatit një paketë “të fortë” sanksionesh kundër Rusisë nëse ajo pushton Ukrainën, duke përfshirë shënjestrimin e gazsjellësit Nord Stream 2.

Sipas dpa, përcjell Telegrafi, ajo gjithashtu vazhdoi të jetë e vendosur pas refuzimit të Gjermanisë për të dërguar armë në Ukrainë për të ndihmuar vendin të mbrohet kundër agresionit rus në kufirin e saj.

Mosgatishmëria e Gjermanisë për t’u bashkuar me anëtarët e tjerë të NATO-s, si Shtetet e Bashkuara, Britania dhe vendet baltike, ka ngritur nxitur reagime mes aleatëve dhe ka frustruar qeverinë pro-perëndimore në Kiev.

Qeveria e re e qendrës së majtë e Olaf Scholz ka thënë se po punon për të zbutur krizën, por ka përjashtuar dërgimin e armëve vdekjeprurëse, një pozicion që u mbajt edhe nga ish-qeveria e Angela Merkelit.

Bërja e një kthese 180 gradë për këtë çështje duhet të bëhet vetëm “me vetëdije të plotë dhe mbi të gjitha pa mbyllje të dyerve që sapo janë rihapur paraprakisht në këtë moment”, citohet t’u ketë thënë Baerbock ligjvënësve të Bundestagut të enjten.

Lexo po ashtu Kriza në Ukrainë: Gazsjellësi Nord Stream 2 mund të anulohet, paralajmëron SHBA

Megjithatë, Baerbock tha se Gjermania mbështet ushtrinë e Ukrainës, duke veçuar njoftimin e Berlinit të mërkurën se do të dërgonte 5,000 helmeta luftarake në vend.

Baerbock tha gjithashtu se qeveria gjermane po përgatiste një “paketë të fortë sanksionesh” dhe tha se një sërë përgjigjesh ndaj çdo agresioni rus përfshinte Nord Stream 2, duke iu referuar tubacionit të diskutueshëm për të sjellë gazin rus në Gjermani, duke anashkaluar Ukrainën.

Tubacioni, i cili ka përfunduar por nuk është ende funksional, është delikat pasi Ukraina është shumë e varur nga tarifat e tranzitit të gazit.

Ndërkohë Uashingtoni ka kritikuar se rrit varësinë energjetike të Evropës nga Moska.

Ndërkohë SHBA tha të mërkurën se po punonte me Gjermaninë për të ndaluar funksionimin e projektit energjetik nëse Rusia sulmon.

Në një intervistë për National Public Radio, zëdhënësi i Departamentit të Shtetit Ned Price tha se Nord Stream 2 “është një levë për Gjermaninë”.

E Baerbock tha gjithashtu se Berlini po punonte në mënyrë të qëndrueshme për të forcuar Ukrainën ekonomikisht dhe financiarisht.

Megjithatë, kreu i ardhshëm i opozitës Kristian Demokrate, Friedrich Merz, akuzoi kancelarin Scholz për mungesë angazhimi për këtë çështje.

Në javët e fundit, Rusia ka grumbulluar dhjetëra mijëra trupa në kufirin me Ukrainën, duke shkaktuar frikën se mund të jetë duke u përgatitur për të pushtuar por Rusia mohon ndonjë plan të tillë. /Telegrafi/