“Gjejeni se kush jam unë” – lojtari francez befason të gjithë në tubim me Kombëtaren e Francës

Mbërritja e mbrojtësit të Liverpoolit, Ibrahima Konate në grumbullimin e kombëtares franceze tërhoqi shumë vëmendje, e kjo për shkak të pamjes së tij të pazakontë. 

Nëse deri më tani në skuadrën franceze Jules Koundé ka spikatur zakonisht me kombinime veshjesh të guximshme dhe shumë të çuditshme, Ibrahima Konate ka shkuar një hap më tej. 

Mbrojtësi i Liverpoolit i befasoi të gjithë duke mbërritur me një kapuç të pazakontë që ia mbulonte të gjithë kokën dhe me atë rast bëri shaka me gazetarët: “Nuk e dini kush jam unë, përpiquni të merrni me mend”, ka thënë Konate para gazetarëve të mbledhur. 

💬 « Vous ne savez pas qui je suis ? »

L’arrivée mystérieuse de… Konaté à Clairefontaine !#lequipeFOOT pic.twitter.com/yBPXY37AcF

— L’ÉQUIPE (@lequipe) October 7, 2024

“Jam unë!”, bërtiti Konate pasi zbuloi fytyrën e tij. 

Konate erdhi në Liverpool në vitin 2021 nga Leipzig në një transferim prej 40 milionë eurosh dhe më parë ka luajtur për Sochaux dhe kategoritë më të reja të Paris FC. 

Në fanellën A të kombëtares franceze ka luajtur 17 ndeshje pa shënuar asnjë gol. /Telegrafi/