Gjatë mbretërimit të Elizabeth II ndryshuan 15 kryeministra britanik dhe 14 presidentë amerikanë

Elizabeth II ishte monarkia e Britanisë së Madhe dhe 14 vendeve të tjera mbretërore të Komonuelthit dhe kreu suprem i Kishës së Anglisë për 25,782 ditë. Kjo do të thotë, ajo kaloi 70 vjet e 214 ditë në fron.

Ajo u ngjit në fron më 6 shkurt të vitit 1952 dhe kurorëzimi ceremonial, vitin e ardhshëm, ishte i pari që u transmetua në televizion.

Mbreti Louis XIV i Francës mbetet monarku më jetëgjatë, pasi ka kaluar 72 vjet e 110 ditë në fron nga 14 maj 643 deri më 1 shtator 1715.

Krahas Elizabeth II ishte mbreti Rama IX, i cili sundoi Tajlandën për 70 vjet e 126 ditë.

Sa e gjatë ishte në të vërtetë mbretërimi i Elizabeth II, tregohet edhe nga ajo që ndodhi gjatë asaj kohe.

Për shembull, që nga ardhja e Mbretëreshës në fron, 15 persona kanë ndryshuar në postin e Kryeministrit të Britanisë së Madhe.

Kryeministri i parë i Mbretëreshës ishte Winston Churchill, i cili ishte në kabinetin në 10 Downing Street nga 1951 deri në 1955.

Ai u pasua nga Anthony Eden, Harold Macmillan, Alec Douglas-Home, Harold Wilson, Edward Heath, James Callahan, Margaret Thatcher, John Major, Tony Blair, Gordon Brown, David Cameron, Theresa May, Boris Johnson dhe Liz Truss, e cila ishte e 15-ta në serinë e “Kryeministrave të Mbretëreshës”.

Ajo që është interesante është se Mbretëresha ishte dëshmitare e një kryeministri të lindur në vitin 1874 (Churchill), si dhe një kryeministre të lindur më shumë se një shekull më vonë – Liz Truss (1975).

Kur bëhet fjalë për presidentët e Shteteve të Bashkuara të Amerikës, ndërsa Elizabeth II ishte në fronin britanik, 14 presidentë parakaluan nëpër Shtëpinë e Bardhë.

Nga Harry Truman, mandati i të cilit zgjat deri në vitin 1953, përmes Dwight Eisenhower, John Kennedy, Lyndon Johnson, Richard Nixon, Gerald Ford, Jimmy Carter, Ronald Reagan, George Bush Sr., Bill Clinton, George Bush, Barack Obama, Donald Trump dhe deri tek aktuali Joseph Biden. /Telegrafi/