LAJMI I FUNDIT:

​Gërvalla për televizionin kanadez: Serbia s’ka vend në NATO, me para të BE dëshiron të blejë armë ruse

​Gërvalla për televizionin kanadez: Serbia s’ka vend në NATO, me para të BE dëshiron të blejë armë ruse

Ministrja e Punëve të Jashtme, Donika Gërvalla-Schwarz është shprehur se nuk duhet të ketë vende si Serbia në NATO apo edhe në Bashkimin Evropian. Sipas saj, Serbia me paratë nga Bashkimi Evropian do të blejë armë ruse dhe do të mbështes ambiciet ruse në Evropë.

Ministrja e Jashtme e Kosovës, Donika Gërvalla-Schwarz ka theksuar se Kosova është vendi më i vogël, demokracia më e re evropiane në Ballkanin Perëndimor, por është një vend ku shumë gjeopolitikë, tregojnë ndikimin e tyre në momente shumë të rëndësishme

“Në Kosovë, ne nuk synojmë vetëm të bashkohemi me Bashkimin Evropian, por duke pasur popullsinë më të re në Evropë, duke pasur njerëzit më pro-evropian dhe pro-NATO në Evropë. Duhet të potencoj që më shumë se 93 për qind e njerëzve në Kosovë mbështesin anëtarësimin në NATO dhe Bashkimin Evropian”, tha ajo për CBC-n kanadeze.


Gërvalla-Schwarz ka thënë se vërtetë beson se është në dorën e popullit në një vend për të vendosur për të ardhmen e tyre dhe jo për fqinjësinë për të vendosur se kur mund te bashkohet ky vend në NATO apo jo.

“E kemi rastin me Kosovën, Serbinë të mbështetur nga Rusia në luftimin e ambicieve tona për t’u bashkuar me Bashkimin Evropian dhe NATO-n. Dhe kështu, unë me të vërtetë besoj se perspektiva evropiane, perspektiva e NATO-s mbështet këto ambicie të të gjitha vendeve që duan. NATO dhe Bashkimi Evropian duhet të hapin dyert për ato vende që synojnë dhe që janë duke luftuar për të njëjtat vlera, të njëjtat parime siç kanë vendet e NATO-s dhe BE-së. E di që nuk duhet të ketë vend për ato vende si Serbia që duan të kenë paratë nga Bashkimi Evropian për të blerë armë ruse dhe për të mbështetur ambiciet ruse në Evropë. Por për të gjithë të tjerët që janë gati të bëjnë detyrat e tyre të shtëpisë, është koha përfundimtare për të lëvizur”, theksoi ministrja Gërvalla-Schwarz.

Në trend Lajme

Më shumë
Serbia “mobilizohet” për zgjedhjet në Kosovë

Serbia “mobilizohet” për zgjedhjet në Kosovë

Lajme
Ish hetuesi policor për vrasjen e Liridona Ademajt: Për Naim Murselin dhe ekzekutuesin nuk ka asnjë rrethanë lehtësuese

Ish hetuesi policor për vrasjen e Liridona Ademajt: Për Naim Murselin dhe ekzekutuesin nuk ka asnjë rrethanë lehtësuese

Lajme
Sulmoi nxënësit brenda shkollës në Suharekë, publikohet momenti kur polici vrau qenin

Sulmoi nxënësit brenda shkollës në Suharekë, publikohet momenti kur polici vrau qenin

Lajme
Presidenca: Asnjë nga vendimet e deritanishme të Trumpit nuk e afektojnë negativisht Kosovën

Presidenca: Asnjë nga vendimet e deritanishme të Trumpit nuk e afektojnë negativisht Kosovën

Lajme
Aksion i policisë në veri të Mitrovicës, gjenden armë dhe pajisje për kriptovaluta

Aksion i policisë në veri të Mitrovicës, gjenden armë dhe pajisje për kriptovaluta

Lajme
Tre gjyqtarë bllokohen në ashensorin e Pallatit të Drejtësisë, kryesindikalisti Rrustemi: Po na rrezikohet jeta

Tre gjyqtarë bllokohen në ashensorin e Pallatit të Drejtësisë, kryesindikalisti Rrustemi: Po na rrezikohet jeta

Lajme
Kalo në kategori