G4shi performoi në Gjermani, kujton kohën kur ishte refugjat para 20 viteve

G4shi, 29 vjeçari i lindur në Tripoli, Libi, ai dhe familja e tij jetuan në 24 vende të ndryshme para se të vendoseshin në Brooklyn, kur Gashi ishte 11-vjeç.

Tani ai jeton mes Beverly Hills, Kaliforni, dhe shtëpisë së tij të re në zonën Kensington të Brooklyn, që ai e bleu për prindërit në vitin 2017.

Në mesin e 24 vendeve të ndryshme që ka jetuar, duket të ketë qenë edhe Gjermani dhe këtë e bëri të ditur përmes një postimi të fundit që ka ndarë në Instagram, derisa performoi në Frankfurt të Gjermanisë.

https://www.instagram.com/p/B6GeaB6lsDN/

Labinot Gashi (emri i vërtetë i reperit), tregon se para 20 viteve ishte refugjat në Gjermani dhe se tani është kthyer për të performuar në po të njëjtin vend.

Lexo po ashtu Të gjitha lajmet nga G4shi

“Unë kam qenë refugjat me familjen time në Gjermani … duke parë babanë tim të marrë një biçikletë kudo për të gjetur një punë … të jetoja në kampe refugjatësh, ku të gjithë duhej të ndanim ushqim dhe të dilnim jashtë për të përdorur banjot publike”.

“20 vite më vonë u ktheva në Gjermani të gjitha biletat e shitura. Frankfurti ishte një shfaqje që nuk do ta harroj kurrë”, ka shkruar mes të tjerash reperi Gashi.

https://www.instagram.com/p/B6KkXltlKki/

G4shi tash e një kohë ka nisur turneun e tij në mbarë botën me qëllim të promovimit të albumit të ri “GASHI”, në të cilin përfshihen gjithsej 17 këngë. /Telegrafi/