Futet në galerinë e arteve në mes të ditës dhe para syve të vizitorëve dhe punonjësve, vjedh pikturën e shekullit të 19-të (Video)

Ky është momenti kur një hajn nuk i trembet syri dhe futet në një galeri të arteve, dhe në prezencë të punonjësve të galerisë dhe vizitorëve vjedh një pikturë.

Bëhet fjalë për një galeri të arteve në Rusi, ku pas publikimit të këtij moment policia ka arrestuar burrin që besohet të ketë vjedhur veprën artistike “Ai-Petri”, pikturë e shekullit të 19-të të artistit Arkhip Kuindzhi, transmeton Telegrafi.

Televizionet ruse kanë transmetuar pamjet ku një burrë futet plotësisht i qetë në galerinë e arteve Tretyakov në Moskë, dhe në prezencë të dhjetëra vizitorëve që kryesisht ishin të huaj dhe punonjësve, vjedh pikturën nga muri dhe largohet sikur të mos kishte ndodhur asgjë.

Piktura Ai-Petri ishte vizatuar nga viti 1898-1908, kurse ministri i Brendshëm i Rusisë, ka deklaruar se një 31-vjeçar është arrestuar në një fshat në periferi të Moskës.

Hajni ka pranuar në polici se ka fshehur pikturën në ndërtesë në një pjesë ku po kryheshin renovimet, kurse policia është duke tentuar ta gjej pikturën në vendin ku hajni pretendon ta ketë fshehur. /Telegrafi/