Futbolli rus në krizë: Dy klube të Superligës tashmë janë shuar, pritet të falimentoj edhe Anzhi

Kombëtarja e Rusisë në futboll e ka përfunduar botërorin në mesin e tetë ekipeve më të mira të Kupën së Botës.

Rusia humbi ndaj Kroacisë në çerekfinale, por shumë prej tyre nuk i dhanë një mundësi që të kaloj as grupit, ku Rusia shkoi më tutje së bashku me Uruguain dhe përpara Arabisë Saudite dhe Egjiptit.

Rusët bënë një ndeshje titanike dhe shkuan në finalet e tetë më të mirëve pasi mposhtën në saje të penalltive spanjollët, por rezultatet e dukshme në botëror nuk ndryshuan shumë për klubet ruse të futbollit.

Gjatë muajit qershor ka falimentuar klubi i Tosnos që sezonin që lamë pas bëri pjesë në Superligën e Rusisë.

Gjithashtu edhe skuadra e famshme e Amkarit falimentoi dhe nuk do ta shohim në ligën elitare ruse.

Pranë falimentimit është edhe klubi i Anzhi Makhachkalas, i cili së fundi ka humbur sponsorët dhe është i detyruar të liroj të gjithë punonjësit dhe lojtarët gjersa qeveria e Dagestanit ka refuzuar t’i japë ndihmë financiare.

“Borxhi është i madh dhe po rritet çdo ditë, dhe shumë lojtarë nuk kanë marrë pagë që nga prilli dhe i falënderojmë për durimin e tyre, por nuk do të jemi në gjendje ta bëjmë këtë për një kohë të gjatë”, tha drejtori Angie Oleg Flegontov. /Telegrafi/