Frikësohet i dashuri i J.Lo, Alex Rodriguez: Shpresoj që një ditë të mos më nxjerrë jashtë shtëpisë

Jennifer Lopez dhe Alex Rodriguez janë padyshim çifti më i bukur në botën rozë.

Dyshja ka dy vjet që janë në lidhje dhe shpeshherë publikojnë edhe imazhe romantike në rrjetet sociale.

Ish-sportisti ka zbuluar se shpërngulja në shtëpinë e të dashurës e ka frikësuar.

Kështu së paku ka thënë 43-vjeçari në emisionin e Piers Morganit duke shtuar se ka menduar që ylli amerikano-latin do ta nxjerr një ditë jashtë shtëpisë.

Në pyetjen e moderatorit, “A thua ndonjëherë me veten se si je kaq me fat?”, Alex iu përgjigj me buzëqeshje.

Lexo po ashtu Jennifer Lopez fitoi dy milionë dollarë për 20 minuta në Katar

“Shpresoj që ajo të mos zgjohet ndonjë ditë e të thotë, ‘Në rregull, tani erdhi koha të dalësh jashtë!’”, tha ai.

Theksojmë se Alex tashmë ka nxjerr në shitje vilën 6.5 milionë dollarëshe në Hollywood Hills gjersa është duke jetuar në apartamentin luksoz njujorkez të J.Lo, i cili kap vlera e 15.3 milionë dollarëve. /Telegrafi/