Frankfurti dhe Napoli në sfidën e parë të 1/8 së finales – formacionet zyrtare

Në Deutsche Bank Park zhvillohet sfida e parë e të tetës së finalës në Ligën e Kampionëve ndërmjet Eintracht Frankfurtit dhe Napolit.

Skuadra gjermane pozicionohet në vend të gjashtë në Bundesliuga me 38 pikë të arkëtuara pas 21 javësh. Ndërkaq, pas suksesit të arritur në Ligën e Evropës në edicionin e kaluar, do të shpresojë që të shkojë sa më larg edhe në garën elitare për klube.

Ekipi italian është lider i pakontestueshëm në Serie A, ku është duke kaluar një sezon të mrekullueshëm, ndërkaq ka qenë fantastik edhe në garën evropiane këtë sezon duke përfunduar i pari në fazën grupore.

Trajnerët Oliver Glasner dhe Luciano Spalletti do t’i vënë përballë taktikat e tyre, ndërsa e kanë bërë zgjedhjen e lojtarëve që do të zbresin në fushë nga minuta e parë.

Formacioni startues i Eintracht Frankfurtit: Trapp; Tuta, Jakic, Buta; Ndicka, Kamada, Sow, Max; Lindstrom, Gotze; Kolo Muani.

Formacioni startues i Napolit: Meret; Di Lorenzo, Rrahmani, Kim, Olivera; Anguissa, Lobotka, Zielinski; Lozano, Osimhen, Kvaratskhelia.

/Telegrafi/