Fotografitë e javës, disa nga ngjarjet më interesante

Gjatë kësaj jave në Kosovë janë shënuar disa ngjarje me rëndësi, të cilat i ka regjistruar edhe fotoaparati i fotoreporterit të Telegrafit.

Gjatë kësaj jave, Komuna e Prishtinës, saktësisht Drejtoria për Siguri dhe Emergjenca ka organizuar një ushtrim praktik në objektin e vjetër të komunës me qëllim testimin e gatishmërisë reaguese të pjesëtarëve të personelit komunal dhe qytetarëve të cilët gjenden brenda, në rast të zjarrit dhe fatkeqësive tjera natyrore.

Fotoreporteri i Telegrafit, Ridvan Slivova ka kapur disa nga momentet më interesante të këtyre ngjarjeve.

Përmes këtij ushtrimi praktik është ‘testuar’ edhe koordinimi i institucioneve për reagim në zjarre dhe fatkeqësi tjera natyrore, si për: shuarjen e zjarrit, kërkim shpëtimin, evakuimin e personelit dhe qytetarëve.

Këtë të martë, Policia e Kosovës u pajis me 250 kamera të trupit, kamerat ishin donacion nga Ambasada amerikane në Prishtinë.

Varësisht nga njësiti ku operojnë do të zgjidhet edhe mënyra e vendosjes së kamerës. E me pajisjet e reja pritet që të monitorohen edhe sjelljet e policëve, gjë që do t’i ndihmojë edhe Inspektoratit Policor të Kosovës.

Në javën që po lëmë pas, Partia Socialdemokrate ka realizuar sot një aksion simbolik para ndërtesës së Qeverisë, ku vendosën disa kafazë brenda të cilëve kishin vendosur mikrofonët, në shenjë revolte ndaj situatës me mediat në Kosovë.

PSD theksoi se kryeministri Kurti i do mediat e mbyllura, të kufizuara, të disiplinuara, të varura dhe pa imagjinatë. /Telegrafi/