Fotografia më e detajuar e diellit që është bërë deri më tani

Teleskopi diellor që mban emrin e shkencëtarit “Daniel K. Inouye”, ka realizuar një fotografi që tregon një strukturë të ngjashme me qelizat.

Teleskopi më i madh diellor në botë në Havai, ka marrë një pamje të re të diellit. Në fotografinë e realizuar nga teleskopi “Daniel K. Inouye“, sipërfaqja e diellit mund të shihet aq e detajuar si kurrë më parë, u tha të mërkurën nga shkencëtarët në Universitetin e Hawaii, transmeton Telegrafi.

Ju mund të shihni një sipërfaqe të verdhë-portokalli të ngjashme me qelizat.

Studiuesit e përshkruajnë këtë model si plazma “të vluar”. Plazma e nxehtë ngrihet nga brendësia e diellit dhe formon qendrat e ndritshme të qelizave.

Me teleskop do të krijohet një hartë e fushave magnetike të diellit. Në këtë mënyrë, moti i hapësirës duhet të kuptohet më mirë në të ardhmen.

Kjo gjithashtu mund të ndihmojë në parashikimin e stuhive diellore më mirë. Këto shpërthime magnetike të diellit mund të ndërhyjnë në instrumentet e fluturimit dhe satelitët, dhe mund të bëjnë që rrjetet e energjisë të dështojnë kur arrijnë në Tokë. /Telegrafi/