Formacioni mbresëlënës me lojtarët që ndërruan kombëtaret në futboll, pjesë e tij edhe Taulant Xhaka

Xhamajka po shpreson të bindë një mori lojtarësh të profilit të lartë për të ndryshuar ekipit kombëtar, me federatën e futbollit të vendit tashmë duke bërë lëvizje për të marrë shtetësinë për emra të tillë si Michail Antonio, Demarai Gray, Isaac Hayden, Nathan Redmond dhe Mason Holgate.

‘Reggae Boyz’ mund të ketë një skuadër mbresëlënëse të nivelit të lartë duke hyrë në Kupën e Botës 2022 dhe të përfitojë nga rregullat e pranimit të FIFA-s.

Por, sigurisht që nuk do të ishte instanca e parë e lojtarëve që ndërrojnë ekipet kombëtare.

Ka pasur shumë shembuj në të kaluarën që e kanë ndërruar ekipin kombëtar dhe që kanë përfaqësuar më shumë se një komb.

Faqja e njohur sportive SportBible ka përpiluar një formacion të fortë që pjesë e tij janë lojtarë të cilët kanë ndërruar ekipet kombëtare.

Pjesë e këtij formacioni është edhe futbollit shqiptar nga Kosova, Taulant Xhaka, i cili në të kaluarën ka luajtur te Zvicra, ndërsa tani mbron ngjyrat e Kombëtares Shqiptare.

Portier: Asmir Begovic

Begovic u transferua në Kanada kur ishte 10 vjeç dhe i përfaqësoi ata në Kupën e Botës për U-20 në 2007.

Sidoqoftë, ai ndryshoi besnikëri në vitin 2009 për të luajtur në Kupën e Botës 2014 për vendlindjen e tij Bosnje dhe Hercegovina.

Mbrojtës i djathtë: Taulant Xhaka

Taulant Xhaka përfaqësoi Zvicrën në çdo nivel të të rinjve nga ekipi U-17 deri te U-21 por zgjodhi rrënjët e tij shqiptare dhe u përball me vëllain e tij në Euro 2016 kur Zvicra dhe Shqipëria u vendosën në të njëjtin grup.

Ata u bënë dyshja e parë e vëllezërve që luajtën kundër njëri-tjetrit në historinë e Kampionatit Evropian.

Qendërmbrojtës: Neven Subotic

Ish-lojtari i Borussia Dortmund ishte një reprezentues i rregullt i ekipit të SHBA-ve U-17 dhe U-20, por vendosi të luante për Serbinë në Kupën e Botës 2010.

Ai gjithashtu kishte të drejtë të luante edhe për Bosnjë dhe Hercegovinën.

Mbrojtës i majtë: Faouzi Ghoulam

Mbrojtësi i majtë i Napolit lindi në Francë nga prindër algjerianë, por gjithmonë pohoi se ai do të përfaqësonte Algjerinë si reprezentues.

Ai luajti disa ndeshje për U-21 të Francës, por përndryshe u është përkushtuar rrënjëve të tij, duke luajtur për Algjerinë si në Kupën e Botës 2014, ashtu edhe në Kupën e Kombeve Afrikane.

Mesfushor qendror: Thiago Motta

Motta ka lindur në Brazil, por është gjithashtu një qytetar italian.

Ai përfaqësoi ‘Seleçaon’ në CONCACAF në vitin 2003, por më vonë vazhdoi të luante për Italinë pasi iu dha leja nga FIFA kur u emërua në skuadër përsëri në vitin 2011, pasi lidhjet e tij italiane vijnë nga gjyshi i tij.

38-vjeçari ishte pjesë e skuadrës së Italisë në Kupën e Botës 2014 dhe Kampionatin Evropian 2016.

Mesfushor qendror: Owen Hargreaves

Hargreaves ka një sfond interesant kur bëhet fjalë për kombësitë. Ish-mesfushori i Manchester Unitedit dhe Cityt ka lindur në Kanada nga një baba anglez dhe një nënë uellsiane dhe më pas u bashkua me radhët e të rinjve në Bayern Munich në moshën 16 vjeç.

Ai luajti për Uellsin në vitin 1998, por më pas kaloi te Anglia dhe vazhdoi të bëhet lojtari i vetëm anglez që ka luajtur për Anglinë pa jetuar kurrë në vend kur bëri debutimin e tij në vitin 2001.

Mesfushor qendror: Kevin Prince-Boateng

Ngjashëm me vëllain e tij Jerome, Kevin Prince-Boateng erdhi nëpër radhët e të rinjve në Hertha Berlin dhe luajti për Gjermaninë në ekipin e të rinjve deri te U-21.

Por ai donte të përfaqësonte trashëgiminë e tij ganeze dhe pasi bleu pasaportën e tij ganeze, ka luajtur për ta në tre Kupa të Botës.

Mesfushor i djathtë: Nacer Chadli

Ish-anësori i Spurs dhe West Brom, Chadli bëri një paraqitje të vetme për Marokun në nivelin ndërkombëtar në një miqësore kundër Irlandës së Veriut.

Por, një vit më vonë ai zgjodhi të luante për Belgjikën dhe ka plot 61 paraqitje.

Mesfushor i majtë: James McClean

James McClean ka lindur në Irlandën e Veriut dhe ka luajtur për vendin e tij në nivelin e ekipit U-21 në disa raste.

Kur erdhi një telefonatë e plotë, McClean refuzoi dhe në vend të kësaj zgjodhi të luante për Republikën e Irlandës – një vendim që e çoi atë të merrte kërcënime me vdekje dhe një abuzim të tërë kur ai u përfshi në skuadrën e Irlandës në Euro 2012.

Qendërsulmues: Diego Costa

Një nga shembujt më të lartë të lojtarëve që ndryshuan besnikërinë e tyre është Diego Costa, i cili luajti dy herë për Brazilin e tij të lindjes, por më pas bëri kërkesë për shtetësinë spanjolle dhe veshi fanellën e ‘La Roja’. Ai bëri debutimin e tij në Spanjë në vitin 2014 dhe që prej atëherë përfaqësoi kombin e tij të adoptuar në dy Kupa të Botës.

Brazilianët ende nuk janë të lumtur që ai u ktheu shpinën atyre.

Qendërsulmues: Alfredo Di Stefano

Padyshim se skenari më i famshëm i një lojtari që luan për më shumë sesa një ekip kombëtar është legjenda Alfredo Di Stefano. Në mënyrë të pabesueshme, ai ka luajtur për Argjentinën, Kolumbinë dhe Spanjën në karrierën e tij  ndërkombëtare.

Ai ka lindur në Argjentinë dhe përfaqësoi Argjentinën, por më pas vazhdoi të luante për Kolumbinë – megjithëse paraqitjet e tij nuk njihen nga FIFA.

Sidoqoftë, dy vende nuk ishin të mjaftueshme, dhe më vonë atij iu dha nënshtetësia spanjolle, duke luajtur për Spanjën midis viteve 1957 dhe 1961, duke shënuar 23 gola.

/Telegrafi/