Formacioni me lojtarët më të mirë nën moshën 20 vjeçare

Është shpallur formacioni me lojtarët më të mirë të rinj nëpër botë nga Federata Ndërkombëtare e Historisë dhe Statistikave të Futbollit.

IFFHS ka vlerësuar 20 lojtarë gjatë 12 muajve të fundit, kështu që nuk është befasi për të parë fenomenin e Borussia Dortmundit, Erling Haaland. Norvegjezi tashmë ka arritur 20 gola në Ligën e Kampionëve në vetëm 14 ndeshje. Mahnitëse.

Ai është bashkuar me disa lojtarë të talentuar nga Barcelona dhe Real Madrid: 18-vjeçari Ansu Fati (i cili shënoi golin e tij të parë për Spanjën në shtator) dhe anësori brazilian Rodrygo .

Dy futbollistë vijnë nga Liga Premier në mesfushë dhe mbrojtje. Phil Foden është një zgjedhje e merituar për formën e tij sublime gjatë vitit të kaluar, duke depërtuar në një mesfushë.

Qendërmbrojtësi francez i Leicester, Wesley Fofana, ka bërë më pak bujë se Foden, por ai është jashtëzakonisht i talentuar.

Mesfushori kreativi i Milanit, Sandro Tonali bashkohet me Foden në mesfushë, ndërsa ylli i Rennes Eduardo Camavinga – tashmë një përfaqësues i Francës – meriton me të drejtë vendin në këtë formacion.

Megjithatë, nuk ka vend ende për yllin e ri të Barcës, Pedrin. Të rinjtë anglezë si Jude Bellingham i Borussia Dortmund dhe Bukaya Saka i Arsenal gjithashtu mungojnë.

Alphonso Davies, kanadezi i shkëlqyer i Bayern Munchen, i cili është 20 vjeç, zë vendin e mbrojtësit të majtë. Shoku i tij i ekipit në Bayern (aktualisht i huazuar në Hoffenheim) Chris Richards gjithashtu gjendet aty, me Sergino Dest si mbrojtës i djathtë.

Ekipi i plotë botëror i të rinjve të vitit IFFHS është më poshtë:

Portier: Ersin Destanoglu

Mbrojtës i djathtë: Sergino Dest

Mbrojtës qendror: Wesley Fofana

Mbrojtës qendror: Chris Richards

Mbrojtës i majtë: Alphonso Davies

Mesfushor: Sandro Tonali

Mesfushor: Phil Foden

Mesfushor: Eduardo Camavinga

Sulmues i krahut të djathtë: Rodrygo

Sulmues i krahut të majtë: Ansu Fati

Sulmues qendror: Erling Haaland. /Telegrafi/