Derbi më i madh lokal në Italia, në mes të Interit dhe Milani i njohur ndryshe si “Derby della Madonnina” do të zhvillohet sonte (e diel) në mbrëmje.
Ethet e derbit të madh lokal mes Interit dhe Milanit sa vijnë e rriten, pasi kanë mbetur vetëm edhe disa orë deri në fillimin e tij.
Mbrëmja e së dielës është koha kur dy skuadrat e mëdha italiane do të ndeshen mes vete në “Derby della Madonninnan” e parë të këtij sezoni.
Ndeshja mes këtyre dy skuadrave pritet të filloj nga ora 20:45 dhe zhvillohet në Giuseppe Meazza me Nerazzurrët si vendas.
Skuadra e drejtuar nga Luciano Spalletti vjen në këtë sfidë me motivim të lartë pasi nga shtatë ndeshjet e para ende nuk kanë humbje në kampion, me gjashtë fitore dhe një barazim.
Në anën tjetër, skuadra e Vincenzo Montellas ka humbur dy ndeshjet e fundit dhe do ta ketë më të vështirë pasi po përjeton formë të luhatshme në këtë fillim sezoni.
Mediat italiane kanë filluar të shkruajnë shumë për këtë ndeshje, ndërsa kanë publikuar edhe një formacion të kombinuar për këtë “Derby della Madonnina”.
Në këtë formacion me vendosje 3-5-2, Interi përfaqësohet me shtatë futbollistë, ndërsa Milani ka katër në përbërje. /Telegrafi/
Portier: Samir Handanovic
Qendërmbrojtës: Joao Miranda
Qendërmbrojtës: Leonardo Bonucci
Qendërmbrojtës: Milan Skriniar
Mesfushor-qendror: Franck Kessie
Mesfushor-qendror: Borja Valero
Mesfushor-sulmues: Suso
Anësor i djathtë: Antonio Candreva
Anësor i majtë: Ivan Perisic
Qendërsulmues: Mauro Icardi
Qendërsulmues: Andre Silva
