“Foden ka potencial më të madh se Messi”, eksperti anglez befason me deklaratën e tij

Phil Foden është thënë se ka potencial për të qenë një lojtar më i mirë se Lionel Messi.

22-vjeçari shënoi golin e tretë të Anglisë në fitoren 3-0 të së martës në Kupën e Botës ndaj Uellsit për të vulosur kualifikimin nga vendi i parë në Grupin B.

Ishte ndeshja e parë si titullar këtë turne për Foden, me tifozët të etur për të parë që Gareth Southgate t’i jepte atij një shans.

Foden doli nga bankina në një fitore 6-2 ndaj Iranit, por qëndroi në stol gjithë ndeshjen në barazimin pasues 0-0 me ShBA-të.

Që nga debutimi i tij në vitin 2017, Foden ka fituar katër tituj të Ligës Premier, katër Kupa Carabao, Kupën FA dhe ka arritur në finalen e Ligës së Kampionëve.

Në skenën ndërkombëtare, ai ishte pjesë e skuadrës së Anglisë që arriti në finalen e Kampionatit Evropian të verës së kaluar.

Ai është padyshim anglezi më i talentuar për momentin dhe një ekspert e çoi atë në nivelin tjetër gjatë një paraqitjeje të fundit në Sky Sports News.

? “He has a bigger potential than Messi.”

Do you agree that Phil Foden can be bigger than Messi? ? pic.twitter.com/tnQw4y0Zj2

— Football Daily (@footballdaily) December 2, 2022

“Unë them se ai djalë është Messi i ri. Ka potencial më të madh se Lionel Messi. Balanc, qendër graviteti, vetëdije. Duhet të lindësh me këtë”.

“Trajnerët vetëm duhet ta udhëzojnë që të mos i shpenzojë paratë e tij për makina. Shpenzojë për prona, për prindërit e tij”.

“Harrojeni jetën e rreme. Kjo ishte këshilla ime për të. Unë fola me të atin dhe atë”, ka thënë eksperti anglez.

Kur u pyet nëse Foden mund të jetë lojtari më i mirë në botë, ai u përgjigj: “Po! Trofeu po vjen në Angli dhe ai do të sjellë edhe trofeun”. /Telegrafi/