Fjalët e Gentrit Salihut pasi nënshkroi me Porton: Do të punoj shumë që ta bëj ëndrrën realitet

Gentrit Salihu ka kompletuar transferimin te Porto, duke nënshkruar një kontratë me gjigantin portugez.

Ai fillimisht do të luajë në skuadrën U-19 të FC Portos.

Djaloshi që sapo ka mbushur 18 vjet në qershor, luan si mesfushor mbrojtës, ndërsa do të stërvitet nga José Tavares.

Në edicionin e fundit ai luajti me Besën e Pejës, ku shënoi dy gola dhe dha një asistim në 29 ndeshjet e luajtura në Superligë.

🔵⚪ Gentrit Salihu assinou contrato com o FC Porto
👉 18 anos
🇽🇰 Kosovo
📍 Médio
🎙 "É um sentimento incrível"

🎙 Frasco: "Tem que perceber que chegou a um clube com uma enorme exigência e com uma dimensão enorme a nível mundial"#FCPorto #Sub19 #FCPortoSub19 pic.twitter.com/U6vrlvUZMf

— FC Porto (@FCPorto) August 27, 2021

Gentrit Salihu u mirëprit nga António Frasco, një ish-mesfushor i Portos, tani ndihmëstrajner i U-19.

Lojtari është shprehur i lumtur me kalimin e tij tek klubi i njohur evropian, që ka fituar më parë edhe Ligën e Kampionëve.

“Është një ndjenjë e jashtëzakonshme të mbërrijë në klubin më të madh në Portugali. Mezi pres të bashkohem me ekipin dhe jam i entuziazmuar për të filluar stërvitjet dhe ndeshjet”.

🔵 Gentrit Salihu é a mais recente cara nova da equipa de Sub-19 do FC Porto ⚪#FCPorto #FCPortoSub19 #Sub19 pic.twitter.com/hTa7dFR0dL

— FC Porto (@FCPorto) August 27, 2021

“Unë jap gjithçka nga vetja çdo ditë dhe punoj shumë, sepse kjo është mënyra e vetme që ëndrrat e mia t’i bëjë realitet”.

“Dua të ndihmoj ekipin të jetë më i fortë dhe dua të jem më i mirë edhe vetën. Ne kemi një grup të bashkuar dhe konkurrues që dëshiron të ndihmojë FC Porton të jetë me e suksesshme”, ka deklaruar lojtari. /Telegrafi/