0Shares

Deputeti i Lëvizjes Vetëvendosje, Fisnik Ismaili, më në fund është përfshirë në listat shtesë të Veteranëve të UÇK-së, ndonëse para disa ditëve në publikimin e Komisionit për Verifikimin e Veteranëve nuk figuronte në Brigadën “138 Agim Ramadani”.

I kontaktuar nga gazeta “Zëri”, Ismaili konfirmoi që tani edhe zyrtarisht është veteran.

“Po, tani jam në listat shtesë. Ndërsa për mos futjen time në listat e para ende nuk e din askush, madje as komandantët e mi”, ka thënë ai.

Ndryshe, ditë më parë, Rrustem Berisha komandant i Brigadës 138 “Agim Ramadani”, ka thënë për "Zëri", se të gjithë e dinë se Fisnik Ismaili ka qenë në luftë dhe do të jetë në listë.

Berisha ka adresuar një mesazh tek Ismaili që “mos të shqetësohet aspak sepse deri në fund të javës, përkatësisht jo më larg se të premten do të hulumtojë dhe do të shohim ku ka qenë gabimi tek emri i tij”. /Zëri/


Të Ngjajshme
Shfaq Komentet (0)