Lidhjet hekurudhore ndërkombëtare midis Italisë dhe Francës përmes tunelit Frejus u ndërprenë "për një kohë të pacaktuar", për shkak të një rrëshqitjeje të madhe të dheut në rajonin francez të Savojës në kufi me Piemonte, njoftoi sot komisioni ndërqeveritar italo-francez për linjën hekurudhore Torino-Lyon.
Siç raporton agjencia italiane e lajmeve ANSA, rrëshqitja e dheut ka ndodhur në luginën Murien pasditen e së dielës, transmeton Telegrafi.
Komisioni tha se operatori hekurudhor francez Sncf kishte bllokuar të gjithë trenat në stacionet e tyre të nisjes, dhe se mund të kalojnë ditë dhe ndoshta javë përpara se të rikthehen shërbimet.
Edhe pse askush nuk u lëndua nga rrëshqitja e dheut, një video e një reje të madhe pluhuri që mbulonte urën u përhap me shpejtësi në rrjetet sociale.
Kjo video është shpërndarë në masë të madhe në rrjetet sociale, dhe ka nxitur komente të shumta të përdoruesve të platformave të ndryshme. /Telegrafi/
https://twitter.com/Gianl1974/status/1696087680403009778?ref_src=twsrc%5Etfw%7Ctwcamp%5Etweetembed%7Ctwterm%5E1696087680403009778%7Ctwgr%5E54bc0d2b056ce60673eb094309278be02087ce0f%7Ctwcon%5Es1_&ref_url=https%3A%2F%2Fwww.index.hr%2Fvijesti%2Fclanak%2Fvideo-snimljen-trenutak-odrona-u-francuskoj-veliki-oblak-prasine-prekrio-most%2F2490838.aspx
