‘Fillon të duket sikur Ben Affleck, alkoolisti’ – rrëfimi i aktorit për vartësinë e tij

Ben Affleck është nga yjet e rralla që e kanë pranuar problemin e tyre të vartësisë me alkoolin.

Aktori hollivudian për herë të parë nisi trajtimin kundër vartësisë në vitin 2011, ndërsa gjërat eskaluan para fundit të martesës me Jennifer Garner. Ai sërish shkoi në trajtim në vitet 2017 dhe 2018.

Në një intervistë të mëhershme, 49-vjeçari ka folur edhe në lidhje me këtë temë.

“Fillon të duket sikur: ‘Ben Affleck, alkoolisti’, sepse kam folur për këtë gjë. Aktorët tjerë kanë refuzuar dhe kanë pasur fatin që ta ruajnë anonimitetin. Sepse unë e di një numër të madh të vartësve që e bëjnë këtë punë, problemet e të cilëve nuk janë publike, të cilët kurrë nuk është dashur t’iu përgjigjen pyetjeve të këtilla dhe të cilët kanë pasur shumë probleme, ndoshta edhe më të rënda se unë”.

Lexo po ashtu Ana e errët e vëllezërve Affleck: Abuzimet seksuale, vartësitë nga alkooli e bixhozi, tradhtitë

“Por, njëherësh është e vërtetë se jam alkoolist. Ajo periudhë e jetës ka qenë e tmerrshme. Po, ka pasur çaste kur jam përballur me atë që është më e rëndësishme për mua dhe mundësinë për ta humbur. Dhe kjo ka ndryshuar gjithçka. Nuk jam bërë më i fortë, as nuk kam zhvilluar ndonjë forcë të vullnetit. Thjesht e kam prekur atë kufi”, është shprehur aktori.

Edhe pse nuk i ka përmendur emrat e njerëzve që i ka lënduar, ai ka folur për dhimbjen që ua ka shkaktuar të tjerëve derisa është përballur me alkoolizmin dhe turpin, që i ka quajtur si ndjenjë toksike dhe të tmerrshme. /Telegrafi/