Filipçe në takim me Ismailin, diskutojnë për shëndetësinë në Maqedoninë e Veriut dhe Kosovë

Ministri i Shëndetësisë Venko Filipçe, sot ka realizuar takim me ministrin e Shëndetësisë të Republikës së Kosovës, Uran Ismaili, me të cilin shkëmbeu përvoja dhe informacione në fushën e shëndetësisë në të dy vendet.

Në takim, ministri Filipçe njoftoi ministrin e Kosovës Ismaili, për risitë që janë futur sektorin e shëndetësisë, përcjell Telegrafi Maqedoni.

“Ne kemi rritur ndjeshëm pagat e punëtorëve shëndetësorë. Vitin e kaluar, për herë të parë, kemi siguruar fonde për punën e investuar të të trajnuarve privatë. Nëpërmjet kujdesit të vazhdueshëm ne rikthejmë dinjitetin tek të gjithë punonjësit tanë shëndetësorë”, tha ministri Filipçe.

Ministri Filipçe informoi Ismailin me shërbimin e integruar për vizitat shtëpiake, përmes së cilit siç tha Filipçe, qytetarët e zonave të thella, zonave rurale marrin shërbimet shëndetësore.

Pas takimit, ministri Filipçe dhe ministri i Kosovës Ismaili vizituan Klinikën e hematologjisë në Shkup, ku mjekëve nga Kosova u ofruan ekspertizë në fushën e transplantimit. Vitin e kaluar në këtë klinikë u bë transplantimi i parë i qelizave staminale nga një donator i palidhur.

Ndryshe, në vitin 2010 Ministria e Shëndetësisë e Republikës së Maqedonisë së Veriut dhe Ministria e Shëndetësisë e Republikës së Kosovës nënshkruan marrëveshje për bashkëpunim në fushën e shëndetësisë dhe shkencave mjekësore./Telegrafi/