Fidan Rama: Që nga viti 1996, raportet Kosovë-SHBA më të këqija se asnjëherë më parë

Drejtori i Informacionit në RTV Dukagjini, Fidan Rama thotë se Kosova nuk mund ta refuzojë asnjë marrëveshje që sjellin në tavolinë Shtetet e Bashkuara të Amerikës.

Rama në “Debat Plus” me Ermal Pandurin në RTV Dukagjini thotë se që nga viti 1996 kur është hapur në Kosovë, Zyra amerikane, raportet asnjëherë më parë nuk kanë qenë kaq të këqija.

Ai thotë se kërcënimi i njëanshëm amerikan për të tërhequr trupat është shumë i rëndë, përcjell Telegrafi.

“Zakonisht tërheqja e trupave bëhet në bazë të një protokolli SHBA-Kosovë apo lajmërohet NATO një vit më parë, por ky kërcënim i njëanshëm është i rëndë dhe dëmi tashmë është bërë”.

Rama thotë se fakt është që po ndodh një prishje e marrëdhënieve 60 vjeçare me Amerikën të ndërtuara me shumë mund.

“Janë shpenzuar edhe shumë para nga shqiptaro amerikanët për t’i ndërtuar këto raporte”.

Drejtori i Informacionit në RTV Dukagjini thotë se marrëveshja Kosovë-Serbi do të bëhet pavarësisht nëse largohet apo jo taksa.

Ai thotë se nuk janë të rastësishme as takimet që Presidenti Thaçi ka mbajtur me liderët e partive politike pas kthimit nga SHBA.

Lexo po ashtu Fatos Lubonja për taksën: Shqiptarët janë të vetmit në Evropë që kanë servilizim të tejskajshëm ndaj Amerikës

Rama thotë se çfarëdo marrëveshje që sjallin SHBA-të në Kuvendin e Kosovës i merr 92 vota duke nënkuptuar votat e të gjitha votat e subjekteve politike përjashtuar ato të deputetëve të Vetëvendosjes./Telegrafi/