Ferrari LaFerrari shitet për dhjetë milionë euro, tjetri për një euro më lirë (Foto)

Kompania gjermane që merret me shitjen e veturave të shtrenjta, ka nxjerrë në shitje dy LaFerrari për shuma që janë afro pesë herë më shtrenjtë, se që kanë kushtuar kur janë lansuar.

Është e vërtetë se janë Ferrarit më të rrallë me vetëm 499 njësi të prodhuara, por ka edhe shumë tjera të cilët pronarët mund t’i japin vetëm për dyfishin e çmimit, transmeton Telegrafi.

Megjithatë, nuk bëhet e ditur çfarë i dallon këto modele, që po besohet se për to do të paguhen dhjetë milionë euro, ndërsa për tjetrën një euro më pak.

Në anën tjetër, nuk e kanë as dëmtimin më të vogël dhe nuk kanë ndonjë gërvishtje, ndërsa në orë iu shënojnë vetëm rreth dymijë kilometra të kaluara. /Telegrafi/