Fermeri në Angli rrezikoi duke krijuar ‘një llogore’ për të ndaluar zjarrin e madh të shkonte drejt shtëpive

Ky është momenti i jashtëzakonshëm kur një fermer i guximshëm në Kent të Anglisë vazhdoi të punojë për të provuar të ngadalësojë një zjarr të egër që përhapet në një fushë.

Sipas mediave britanike, përcjell Telegrafi, zjarrfikësit u thirrën në vendngjarje për të shuar një zjarr të madh që shpërtheu në një fushë në Lenham Heath, midis Maidstone dhe Ashford, në Kent pak para orës 15:15 të së shtunës.

Zjarri u përhap në pothuajse 8 hektarë tokë dhe mund të shihej nga një radhë e madhe shoferësh në një autostradë afër.

Lexo po ashtu Rrobat kishin filluar t'i digjeshin, momenti dramatik kur shoferi hero i një ekskavatori i shpëton zjarrit në Spanjë

Megjithatë, fermeri hero Bill Alexander “hyri me shpejtësi” dhe përdori traktorin e tij “për të prerë të korrat” rreth zjarrit për të ndihmuar në ngadalësimin e tij pasi era e ktheu zjarrin drejt një shtëpie.

Pamjet treguan traktorin e gjelbër vetëm disa metra larg zjarrit të madh, teksa Alexander e drejtonte pa frikë automjetin rreth tymit dhe flakëve të larta.

Lexo po ashtu Portugezi shpëtoi delen nga zjarri - dhe u bë i famshëm menjëherë!

Andy Barr, i cili zotëron fermën Kent, lavdëroi ‘fqinjin e tij të mirë’ për veprimet e tij ‘prej heroi’ dhe postoi në Twitter pamjet.

Zjarri është vënë nën kontroll dhe është shuar ndërsa zjarrfikësit shoqëruan personat që ndodheshin në afërsi drejt një zone të sigurt. /Telegrafi/