“Fëmijët më treguan si të festoj golin” – Rashica zbulon se si erdhi festa si Spiderman

Besiktas ka shënuar mbrëmë fitore me rezultat 3-0 në shtëpi ndaj Fatih Karagumruk, në kuadër të javës së 20-të në elitën e futbollit turk.

Një ndër lojtarët më të dalluar në fushë për Besiktasin ishte edhe sulmuesi kosovar Milot Rashica, i cili realizoi në minutën e 65-të për të dyfishuar epërsinë e ekipit të tij.

Ky ishte goli i katërt i Rashicës në këtë edicion të ri të garave në Turqi, teksa ka edhe një asistim.

Sidoqoftë, ajo që mori vëmendjen më shumë ishte mënyra se si Rashica e festoi golin pas momentit të shënimit.

View this post on Instagram

A post shared by MILOT RASHICA (@milotrashica7)

Me të përfunduar ndeshja, përmes një postimi në rrjetin social Instagram, Rashica tregoi se fëmijët e tij i kërkuan të festoj në atë mënyrë.

“Një tjetër. Fëmijët e mi më treguan se si të festoj golin”, ka shkruar Rashica në postimin e tij në Instagram.

27-vjeçari është transferuar tek Besiktasi në gusht të vitit të kaluar pas një aventure me Norwichin në Angli, ku kartoni tij pati kushtuar rreth pesë milionë euro./Telegrafi/