“Feka” tregon se kush mund ta krijojë qeverinë e ardhshme të Kosovës (Foto)

Teksa po vazhdon numërimi i votave të zgjedhjeve parlamentare, tashmë kanë filluar të supozohet kush do ta formojë qeverinë.

Dihet se koalicioni PAN, ka dal i pari dhe pritet të ketë 39 deputetë, Lëvizja Vetëvendosja ka 31 deputetë dhe koalicioni LDK-AKR-Nisma rreth 30.

Në këtë gjendje secilës i duhen një numër i deputetëve për të krijuar qeverinë e ardhshme kosovare, transmeton Telegrafi.

Por, vendimi i vitit 2014 i Gjykatës Kushtetuese që partisë/koalicionit të parë i jep të drejtë të ketë kryetarin e parlamentit dhe fillimisht ta ketë të drejtën të propozoj kandidatin për kryeministër, ka bërë të japin mendime të ndryshme rreth kësaj çështje.

Lexo po ashtu Analistët më të ri në Kosovë - Aktorët e "Kafeneja Jonë" (Video)

Në fakt, aktori më mirë i njohur si “Feka” i serialit “Kafeneja Jonë”, ka treguar se kush mund ta krijojë qeverinë e ardhshme të Kosovës.

Sipas Shkumbin Istrefit, partia/koalicioni që ka 61 deputetë mund të udhëheq qeverinë e Kosovës dhe kjo punë këtu merr fund.

Shikoni postimin e Shkumbin Istrefit:

Algoritmi i krijimit te Qeverise
Mandatari i pare provon me i mbledhë 61 vota. Nëse i mbledh, e bën qeverinë. Fund.
Nëse nuk i mbledh, Presidenti duhet t’ia japë mandatin mandatarit te dyte. (Kushtetuta nuk e përcakton a duhet mandatari i dyte te jete nga partia fituese apo jo). Nëse Presidenti ia jep mandatin mandatarit te dyte eventual nga Partia/Koalicioni fitues, prishet koalicioni PAN. Mandatari tenton t’i beje 61 vota pas koalicionit te prishur. Nëse i bënë, krijohet Qeveria. Fund. Nëse jo, shkohet ne zgjedhje.
Nëse Presidenti megjithatë vendos qe pas dështimit te provës se pare, t’i japë mandatin mandatarit te dyte (i cili paraprakisht duhet t’i ketë siguruar 61 vota), krijohet qeveria, nëse jo – opsioni janë zgjedhjet e reja.
Meqenëse, Presidenti është unifikues dhe mbipartiak, ai do te mendoje për te mire e vendit dhe imazhit te tij (renditja e motiveve mund te ndërrojë renditje) dhe do te marre vendim ne te mire te vendit. Qeveria formohet. Fund.
Anal-isti algoritmik
Hajde programera kyçuni dhe zhvillojeni algoritmin me tutje