Fat në fatkeqësi për Ballkanin: Dinamo Zagrebi me katër mungesa në ndeshjen e së enjtes

Të enjten në orën 18:45, Dinamo Zagrebi do të luajë ndeshjen e dytë të fazës së grupeve të Ligës së Konferencës ndaj kampionit të Kosovës, Ballkanit.

Blutë mundën Astanën me rezultat 5-1 në ndeshjen e parë, ndërsa skuadra nga Suhareka ia vështirësoi Viktorija Plzenit fitoren minimale 1-0.

Kampioni kroat vjen në Prishtinë me shumë probleme. Blutë humbën ndaj Hajdukut në një derbi të madh të dielën dhe duket qartë se janë të tronditur mendërisht, por trajneri i Dinamos Sergej Jakiroviç ka probleme shumë më të mëdha për sa i përket stafeve të lojës.

Lexo po ashtu Nga ftesa e Malit të Zi te përballja me Dinamon në Ligën e Konferencës dhe objektivat në kampionat - Edvin Kuc rrëfehet për të gjitha

Stefan Ristovski dhe Dario Spikic nuk kanë mundur të luajnë kundër Hajdukut për shkak të lëndimeve, kështu që Jakiroviç nuk do të mund të llogarisë as të enjten.

Pavarësisht rrezikut, lojtari më i mirë i Dinamos, Bruno Petkoviç, kundër Hajdukut luajti pa trajtim, por zgjati vetëm 41 minuta.

Lexo po ashtu Ilir Daja flet për ndeshjen ndaj Dinamo Zagrebit, në anën tjetër Ballkani njofton se tifozët mysafir do të mungojnë

Ai nuk është këndellur nga lëndimi i muskujve, ndaj nuk do të vijë as në Prishtinë. Lajmet e këqija për Dinamon nuk mbarojnë me kaq, pasi në pikëpyetje të madhe është edhe Robert Ljubiçiq, i cili u sëmur dhe nuk është e sigurt se do të jetë në gjendje të performojë, raporton index.hr.

Ndaj Hajdukut, një goditje të sikletshme në gju ka marrë edhe Martin Baturina, por mjekët e Dinamos janë të bindur se nuk duhet të ketë asnjë problem dhe se mesfushori i ri i shkëlqyer do të mund të luajë. /Telegrafi/