Tifozët e Manchester Unitedit janë në kulm të entuziazmit në këtë afat kalimtar veror, pasi besojnë shumë në transferime të mëdha nga drejtuesit.
Djajtë e Kuq janë duke u lidhur me një numër të madh futbollistët, të cilët synojnë t'i transferojë në Old Trafford këtë verë.
Dy nga ta janë ylli i Juventusit, sulmuesi Paulo Dybala dhe mbrojtësi anglez i Leicester Cityt, Harry Maguire.
Gjatë ditëve të fundit është përfolur se klubi anglez është afër të mbyll marrëveshjen për transferimin e të dyve dhe tifozët e Unitedit kanë filluar të ëndërrojnë.
Mbrëmë, para miqësores me Kristiansund në Oslo, një tifoz veçse kishte stampuar fanellën me numër 5, ku kishte shkruar emrin e Maguires.
https://twitter.com/RedDevilBible/status/1156227056994258944
Në anën tjetër, një tifoz tjetër kishte shkruar numrin 21 në fanellën e tij, duke mbajtur emrin e Dybalas.
Numri 21 është i zënë momentalisht nga transferimi i ri Daniel James dhe kjo mund ta dëshpëroj tifozin, ndërsa numri 5 është i lirë në rast të transferimi të Maguires.
Më herët gjatë kësaj vere, disa tifozë të Unitedit shkruan edhe emrin e Matthijs De Ligt në fanellën me numër 5, por holandezi iu bashkua në fund Juventusit. /Telegrafi/
https://twitter.com/TheFootballRep/status/1151832993373327360
