Fansat e Eurovisionit kanë akuzuar konkursin e këngës se manipuluan me rezultatin për të lejuar Suedinë të fitojë.
Thuhet se organizatorët orkestruan fitoren e Loreen në mënyrë që Suedia të organizonte vitin e ardhshëm që përkon me 50 vjetorin e fitores së grupit ABBA.
Secili nga 26 shtetet luftuan për të marrë trofeun, por ishte Suedia ajo që triumfoi, me Loreen që shënoi historinë si gruaja e parë që fiton dy herë konkursin.
Foto: Reuters
Por jo të gjithë ishin dakord që Suedia e meritonte vendin e parë dhe spekuluan se konkursi ishte manipuluar.
“Nuk po them se është e manipuluar, por... Suedia fitoi një vit para përvjetorit të fitores së ABBA-s, më duket shumë e përshtatshme", shkroi një person.
Foto: Alamy Stock
"Nuk ka asnjë mënyrë që ata e manipuluan të gjithë këtë gjë në mënyrë që Suedia të mund ta presë atë në 50-vjetorin e fitores së ABBA-s”, shtoi një tjetër.
“Përvjetori i ABBA-s dhe fitorja e Suedisë më duket e çuditshme”, theksoi mes tjerash një tjetër fans.
Foto: Twitter
Një përdorues tjetër i rrjeteve sociale ka vënë në dukje: “Nuk jam një teoricien konspiracioni, por kjo është manipuluar në mënyrë që Suedia të mund të organizojë pesëdhjetëvjetorin e fitores së ABBA-s”.
Grupi suedez, ABBA, ishin pjesëmarrës në Eurovision Song Contest 1974 me Waterloo dhe Bjorn, Benny, Agnetha dhe Anni-Frid, të cilët edhe u shpallën fitues.
Foto: Twitter
2024 shënon saktësisht 50 vjet nga fitorja e tyre, me shumë njerëz që presin që grupi të performojë në konkursin e vitit të ardhshëm. /Telegrafi/
Foto: Twitter
