“Faleminderit Laca”, Arsenali konfirmon largimin e sulmuesit Lacazette

Klubi anglez, Arsenali ka konfirmuar largimin e sulmuesit francez, Alexandre Lacazette, pas përfundimit të kontratës së tij në fund të këtij muaji.

Lacazette është lojtar i pari i Topçinjve që pritet të largohet këtë verë, pasi nuk ka ndonjë marrëveshje për rinovimin e kontratës.

Largimi i yllit francez është konfirmuar nga vet klubi londinez me anë të një postimi në rrjetet sociale.

“Alex Lacazette do të largohet nga ne në fund të kontratës së tij aktuale, e cila zgjat deri më 30 qershor”, thuhet në njoftim.

🔥 For the 206 games and 71 goals

💪 For your dedication to The Arsenal

Thank you for 𝗲𝘃𝗲𝗿𝘆𝘁𝗵𝗶𝗻𝗴, @LacazetteAlex ❤️

— Arsenal (@Arsenal) June 3, 2022

Ndryshe, që kur u bashkua nga Lyoni në korrik të vitit 2017, Laca bëri 206 paraqitje në të gjitha garat, duke shënuar 71 gola.

31-vjeçari ishte golashënuesi më i mirë në dy sezone gjatë kohës së tij me Arsenalin – në sezonin 2017/18 dhe në sezonin 2020/21, kur shënoi golin e tij të 50-të në Ligën Premier në fitoren ndaj Sheffield United në prill të 2021.

Kjo e zhvendosi francezin në dhjetëshen më të mirë të të gjitha kohërave të golashënuesve të Arsenalit në historinë e Ligës Premier, duke shënuar golin e tij të parë vetëm 94 sekonda në debutimin e tij në ligë, kundër Leicester Cityt, në gusht të 2017.

Laca ishte një fitues i Kupës FA me në vitin 2020, fitoi Carabao Cup në vitin 2017 dhe u votua si lojtari më i mirë i sezonit në Arsenal për sezonin 2018/19. /Telegrafi/