Eskalon situata para meçit: Khabib shqelmon titullin e Fergusonit – derisa Dana White tenton ta ruajë qetësinë e dy yjeve të UFC-s

Khabib Nurmagomedov dhe Tony Ferguson do të përballen më 19 prill në kuadër të UFC 249.

Rusi është aktualisht kampion i peshave të lehta në artet marciale, derisa kundërshtari i tij mban rripin e kampionit të përkohshëm.

Khabib dhe Ferguson kishin një takim të nxehtë në konferencë për media, e që situata mes tyre eskaloi paksa.

https://www.instagram.com/p/B9aYKFzn_Q5/

Derisa presidenti i UFC-s, Dana White mbante mesin mes tyre, Ferguson filloi me provokime ndaj rusit që nuk arrit të ruante qetësinë.

Khabib i tha fillimisht kundërshtarit të tij se rripin duhej të mbante në kraharor dhe jo në tokë, mirëpo ai e provokoi dhe e lëshoi sërish në tokë.

Lexo po ashtu Khabib Nurmagomedov i hapur për rimeçin ndaj Conor McGregorit

Kampioni në fuqi nuk toleroi më provokim nga Ferguson dhe shqelmoi titullin e tij, duke e gjuajtur poshtë skenës ku qëndronin të dy.

Nga këto pamje, përballja mes dy yjeve të MMA të arteve marciale do të jetë e nxehtë dhe nga aty do të vendoset nëse Khabib do të mbrojë titullin e tij apo Ferguson do të rrëmbejë vendin e parë. /Telegrafi/

https://www.instagram.com/p/B9aX9vCHDim/?fbclid=IwAR3qkfcUO_w1O7KIROwNvY1AspfL4atr30m6g_gt86_9nhYkRWYI_25NUh8