Është i vetmi trajner në botë që nuk ka votuar, Zlatko Dalic zbulon arsyen pse bojkotoi FIFA-n

Trajneri i kombëtares kroate të futbollit, Zlatko Dalic, nuk votoi në përzgjedhjen “FIFA The Best” për më të mirët në vitin 2023, duke përsëritur kështu lëvizjen e bërë edhe vitin e kaluar.

Në votim morën pjesë kapitenët dhe përzgjedhësit e kombëtareve dhe Dalic ishte i vetmi seleksionues që nuk votoi.

E ka bërë për një lloj proteste, ashtu si vitin e kaluar, pasi mendon se futbollistët kroatë nuk janë të përfaqësuar sa duhet.

“Sipas rezultateve – jo vetëm në futboll, por në shumë sporte ne jemi një superfuqi botërore, kemi pasur sportistë të mëdhenj, Ivanisevic, Kostelic… Dhe mënyra se si ne, ekipi i futbollit, trajtohemi nga institucionet është, për mua, shumë e keqe, shkatërruese”, ka thënë fillimisht Dalic për Vevernji.

Lexo po ashtu Zbulohen të gjitha votat nga kapitenët dhe përzgjedhësit në çmimet “The Best 2023” për lojtarin më të mirë

“Këtu ishte çmimi i lojtarëve më të mirë të FIFA-s të vitit të kaluar; votuan përzgjedhësit, kapitenët, gazetarët. Unë nuk votova në ato zgjedhje për të dytin vit radhazi sepse thjesht nuk ka respekt për ne”.

“Unë jam i vetmi përzgjedhës në botë që nuk kam votuar. Ata, FIFA, duhet të tregojnë respekt për ne. Ne nuk i blemë, askush nuk na e dha, ne i fituam. Fituam dy medalje botërore në katër vjet, morëm një medalje edhe në Ligën e Kombeve”.

“Për mendimin tim Kroacia ka qenë më e mira në botë në futboll në tre vitet e fundit. Por, ata nuk na e pranojnë këtë. Prandaj i bojkotova zgjedhjet, sepse FIFA duhet të na njohë, Kroacia duhet të jetë shembull i një vendi të vogël që bën gjëra të mëdha në futboll, prandaj – theksoni!”.

“Nuk e di a është e mençur që zgjodha këtë formë proteste, nuk mendoj se do të marrim sërish disa dënime në formë gjyqtari, por kjo është temë tjetër tani. Dua vetëm të theksoj se Kroacia meriton shumë më tepër respekt nga organizatat ombrellë, veçanërisht FIFA”, përfundoi trajneri i Kroacisë.

Ju kujtojmë se Federata Ndërkombëtare e Futbollit (FIFA) për lojtarin më të mirë në botë në sezonin 2022/2023 ajo zgjodhi futbollistin argjentinas Lionel Messi.

Çmimi ndahet për periudhën nga 19 dhjetori deri më 20 gusht 2023 dhe në garë ishin Erling Haaland, Kylian Mbappe dhe Lionel Messi. /Telegrafi/