“Është turp që luajmë në Arabi Saudite”, Williams e thotë atë që të gjithë e mendojnë, por heshtin

Lojtari i Athletic Bilbaos, Inaki Williams, kritikoi vendimin e Federatës Spanjolle të Futbollit për të luajtur Superkupën e Spanjës në Arabinë Saudite.

Pas humbjes në gjysmëfinale ndaj Barcelonës (2-0), sulmuesi i Bilbaos u ankua se ky turne u luajt larg tifozëve.

“Për ne, edhe pse kishim pak tifozë, loja u luajt jashtë. Është turp sepse është një lojë shumë tërheqëse dhe po të ishte luajtur më afër, stadiumi do të ishte mbushur me shumë tifozë tanë. Është turp pasi ju duhet të udhëtoni qindra kilometra nga njerëzit tanë, nga familjet tona”, ka thënë fillimisht Williams.

🤬 Iñaki Williams, crítico con este modelo de Supercopa

🗣️ “No tiene ningún sentido que juguemos en Arabia”

🔴⚫ El delantero del Athletic lamenta que se juegue tan lejos de España y de los aficionados 👇https://t.co/2QIitzrXn1

— MARCA (@marca) January 9, 2025

Williams nuk u ndal me kaq dhe tha se nuk ka kuptim të luash në Arabinë Saudite.

“Nuk ka kuptim të luaj në Arabinë Saudite, por futbolli është i tillë tani. Është turp, është turp dhe trishtim për mua”, shtoi sulmuesi i skuadrës baske.

Real Madrid dhe Mallorca takohen sonte në gjysmëfinalen e dytë të Superkupës së Spanjës, teksa finalja është caktuar për 12 janar.

Pritet që Reali dhe Barcelona të arkëtojnë rreth 6 milionë euro nëse shfaqen në finale. /Telegrafi/