Është shumë e rëndësishme që pas larjes t’i thani mirë duart

Po, tharja e duarve njësoj është e rëndësishme si edhe larja

E dini sa është me rëndësi t’i lani duart, posaçërisht për shkak të rrethanave aktuale. Mirëpo, me siguri nuk e keni ditur që tharja e duarve mund të jetë njësoj e rëndësishme si edhe larja.

Pas larjes duart është shumë e rëndësishme që t’i thani mirë. Duart e lagura lehtë bartin apo mbledhin mikrobe.

Bakteret shpesh barten nga lëkura e lagësht se sa nga lëkura e tharë, transmeton Telegrafi.

Si t’i thani drejt duart?

E para, lani duart rreth 20 deri 30 sekonda. Qëllimi është të sigurohet që duart të mos i kontaminoni me baktere në procesin e larjes apo tharjes.

Pra, nëse keni mundësi tharjeje të duarve me peshqirë letre apo pëlhure, zgjidhni njërin ndër këto dy alternativa.

Mos i lini duart që vetë të thahen në ajër. Sipas disa hulumtimeve tharëset elektrike për duar me ajër pikërisht kanë potencial të përhapjes së baktereve gjatë fryrjes.

Përdorimi i tharëseve të duarve në tualetet publike është mënyra më e keqe që t’i thani duart e lara.

Tharëset e duarve paraqesin rrezik, sepse edhe fytyra mund t’i thithë ato baktere.

Tharja e duarve me peshqir të pastër apo me facoleta letre për një përdorim është zgjedhja më e sigurt për zvogëlim të rrezikut nga përhapja e baktereve. /Telegrafi/