“Është privilegj absolut të jesh pjesë e Arsenalit”, fjalët e para të Declan Rice si Topçi

Declan Rice ndihet i lumtur me transferimin e tij te Arsenali dhe mezi pret që së bashku me trajnerin dhe bashkëlojtarin ta rikthejnë klubin drejt lavdisë dhe trofeve.

Mesfushori anglez kompletoi gjatë ditës së sotme (e shtunë) transferimin nga Ëest Hami për një rekord britanik transferimi prej 120 milionë eurosh.

“Së pari dua të them një falënderim masiv për të gjithë tifozët e Arsenalit për mbështetjen e deritanishme. Ka qenë dërrmuese – kanë ndodhur shumë, shumë spekulime për muaj të tërë. Por padyshim si lojtar, ju doni t’i zgjidhni gjërat sa më shpejt që të jetë e mundur, kështu që jeni të qetë. Sot kam ditën e parë dhe po ndihem si në shtëpi”, ka thënë fillimisht Rice.

Lexo po ashtu Zyrtare: Declan Rice, lojtar i ri i Arsenalit

“Në futboll lindin mundësi të mrekullueshme. Një klub i madh si Arsenali ka ardhur për mua dhe është vërtet e vështirë të refuzosh. Ju keni vetëm një karrierë dhe unë besoj vërtet në atë që Mikel po ndërton këtu dhe në skuadrën që ai po ndërton. Unë me të vërtetë pres me padurim të ardhmen me Arsenalin”.

“Unë kam shikuar Arsenalin gjatë dy sezoneve të fundit dhe trajektoren që ata kanë vazhduar. Jo sezonin e kaluar, por një sezonin më parë, ata përfunduan në vendin e pestë, por ju mund të shihni stilin e lojës që Mikel po zbatonte. Sezoni i kaluar ishte një sezon i jashtëzakonshëm, duke dominuar pothuajse çdo ekip, me përjashtim të Man Cityt”.

A new chapter begins. pic.twitter.com/ha5Btd8I2h

— Arsenal (@Arsenal) July 15, 2023

“Me Mikelin dhe mënyrën se si ai punon, skuadra, sa të rinj janë të gjithë, energjia rreth klubit dhe gjithashtu sfida për të rikthyer Arsenalin atje ku i përket, kjo do të thotë shumë për mua. E di që tifozët e duan vërtet këtë. Për mua si lojtar, kam ardhur këtu shumë i uritur për të pasur më shumë sukses dhe për të kaluar vitet e mia më të mira në këtë klub të madh”.

“Unë thjesht dua të them se është një privilegj absolut të jesh pjesë e Arsenalit. Historia dhe lojtarët që kanë luajtur këtu flasin vetë. Dhe tani unë jam bashkuar, ne kemi edhe disa nënshkrime të tjera, ne po kërkojmë ta kthejmë Arsenalin në kohën e madhe, të rikthehemi te fitorja”, përfundoi anglezi. /Telegrafi/