Erykah Badu akuzon Beyoncen se ka kopjuar stilin e saj të veshjes gjatë turneut botëror “Renaissance”

Erykah Badu me sa duket ka akuzuar Beyoncen se i ka vjedhur stilin e veshjes në turneun e saj aktual botëror “Renaissance”.

Krijuesja e hitit “Window Seat”, 52 vjeç, hyri në rrjetet sociale këtë javë për të nxjerrë në pah ngjashmëritë e habitshme midis stilit të saj personal dhe atij të Beyonces.

Duke ndarë postimin e Beyonce, ku shfaqej ylli me kokën ulur me kapelën vendosur, të shoqëruar me çizme kamuflazhi dhe një fanellë sportive me shkëlqim, Badu shkroi: “Hmmm”.

Më pas ajo ndau një postim të saj me një kapele thuajse identike sipër të cilës ka shkruar: “Unë mendoj se jam stiliste e të gjithëve”.

Badu mori vëmendje për herë të parë për stilin pasi shpërtheu në skenën muzikore të fundit të viteve ’90 për përshtatjet e saj si kameleon të veshjeve tradicionale afrikane.

Kjo vjen pasi Badu po performonte në Atlanta kur ajo deklaroi dashurinë e saj për aktorin e “Star Wars”, John Boyega.

Lexo po ashtu Të gjitha lajmet nga Beyonce

Këngëtarja po bënte një pushim mes këngëve gjatë performancës, kur filloi të diskutonte për dashurinë e saj me aktorin 31-vjeçar të lindur në Londër.

Ajo më pas performoi këngën e saj hit të vitit 1977, “Tyrone”, kur Boyega doli në skenë për ta surprizuar.

Performanca ishte pjesë e turneut të këngëtares “Unfollow Me”, i cili përfundon në shtator në Londër. /Telegrafi/