Me emrin e Kosta Shapkov, pacientit të parë në “Zhan Mitrev”, filloi të shkruhet historia e klinikës

Në vitin 2000, Kosta Shapkov ishte një mekanik makinerish 55-vjeçar. Tani gati 80 vjeç, ai i gëzohet nipërve dhe mbesave të tij dhe çdo dite të re. 1 marsi i vitit 2000, ora 16:00. është dita dhe ora që ai do ta kujtojë përgjithmonë, si fillimin e jetës së tij të dytë. Shapkov ishte pacienti i parë në Klinikën Zhan Mitrev, të cilit iu bë operacioni i parë bajpas në Maqedoni.

Disa vite më parë, Shapkov deklaroi me modesti se “dikush duhej të ishte i pari”. “Kështu më ndodhi. Nuk e prisja që kjo histori do të shkruhej me mua dhe emrin tim”, tha Shapkov.

Dhe themeluesi i klinikës, doktor Zhan Mitrev, do ta kujtojë përgjithmonë këtë datë dhe këtë orë, sepse atëherë u hodhën themelet e Spitalit që atëherë njihej si Spitali special për sëmundje kirurgjike “Filip Vtori / Filipi i Dytë”, i cili më vonë u shndërrua në Klinikën Zhan Mitrev, dhe bëri operacionin e parë bypass. Procedura zgjati më shumë se katër orë dhe përfundoi me sukses, madje në një rast doktor Zhan Mitrev deklaroi se ky ishte operacioni më i vështir i tij, duke e cilësuar si “operacioni shpirtëror në zemrën e Maqedonisë” dhe realizimi i një vizioni që shënon një epokë të re në kirurgjinë kardiovaskulare maqedonase.

Në vitin 2000, Shapkov, banor i qytetit të Koçanit, pasi ndjeu dhimbje jo të zakonshme në kraharor, menjëherë shkoi në spitalin e Koçanit dhe nga aty u transferua në Shkup. Atij në klinikën e Shkupit i thanë se një ndërhyrje e tillë nuk mund të bëhet dhe si opsion rekomandohej Bullgaria.

“Unë nuk mund të shkoja atje, dhe tashmë kisha dëgjuar për doktorin Zhan Mitrev dhe doja të operohesha nga ai. Pas një periudhe të caktuar mora një telefonatë për të ardhur dhe për të filluar analizat. Kur erdhi doktori Zhan Mitrev, më tha, Kosta, ty do të të operojmë të parin, gjendja është kritike. Unë i thashë dikush duhet të jetë i pari”, shprehet Shapkov.

Që atëherë kanë kaluar 25 vjet dhe ky vizion ka vazhduar të zhvillohet, duke e vendosur Klinikën Zhan Mitrev si lider në inovacionin mjekësor dhe kujdesin shëndetësor të nivelit të lartë në rajon.

Në vitin 2002, klinika kreu operacionin e parë në zemër të hapur tek pacienti i cili ishte i zgjuar, i cili gjithashtu përfaqësonte një përparim të rëndësishëm në praktikën mjekësore.

Për më tepër, sukseset, risitë dhe futja e teknologjive të reja të avancuara mjekësore vazhduan të rrisin numrin e tyre. Klinika Zhan Mitrev feston këtë vit 25 vjetorin nga themelimi i saj, ndërsa zemra e pacientit të parë ende rreh fuqishëm, duke dëshmuar fillimin e hapjes së parë të dyerve të sallave të kirurgjisë që do të ndryshojnë të ardhmen e kirurgjisë kardiovaskulare në Maqedoni.