Emily sjell në jetë fëmijën e parë, publikon fotografi duke e ushqyer me gji

Emily Ratajkowski ka sjellë në jetë fëmijën e saj të parë me bashkëshortin Sebastian Bear-McClard.

Modelja e famshme e ka bërë të ditur lajmin sot (e enjte) duke njoftuar se fëmija ka lindur para tri ditësh.

29-vjeçarja e ka shpërndarë një fotografi në Instagram, në të cilën shfaqet duke i dhënë gji fëmijës së saj.

“Sylvester Apollo Bear na është bashkuar neve tokësorëve. Sly erdhi në jetë më 8 mars 2021 në mëngjesin - më të mbinatyrshëm, të bukur dhe të mbushur me dashuri – të jetës sime”, ka shkruar ajo pranë postimit.

Emily ka thënë në të kaluarën se nuk do ta tregojë gjininë e fëmijës, sepse ajo dhe bashkëshorti i saj duan ta rritin fëmijën në një ambient neutral sa i përket gjinisë. /Telegrafi/