Elita Rudi i bën dedikim dashurie Gjikos për Shën Valentin: Në miliona herë, gjithmonë do të zgjidhja ty

Sot (14 shkurt) në pothuajse të gjithë botë festohet Shën Valentini, apo e njohur ndryshe edhe si Dita e të Dashuruarve.

Këtë ditë të veçantë, moderatorja e njohur dhe shumë e suksesshme shqiptare, Elita Rudi ka shfrytëzuar rastin që të bëj njëdedikime dashurie për bashkëshortin e saj, reperin e famshëm, Gjiko.

Një ndër çiftet më të komentuara në ‘showbizz’ jo rrallë herë kanë treguar dashurinë që kanë për njëri-tjetrin në rrjetet sociale, edhe një ditë si kjo nuk ka kaluar pa e bërë një gjë të tillë.

Përmes disa postimeve në InstaStory, ishte Elita ajo që zgjodhi disa nga momentet e tyre më të bukura, e sipër të cilave ka shkruar dhe disa fjalë dashurie për partnerin e saj.

“Ti je dielli im, hëna dhe gjithë yjet e mia. Shtëpia është kudo që jam me ty. Ti je burri i ëndrrave të mia por akoma më mirë….je i vërtetë. Krijimi i kujtimeve me ty është gjëja ime e preferuar për të bërë. Në miliona herë, gjithmonë do të zgjidhja ty”, ishte dedikimi i dashurisë nga Elita për Gjikon.

Kujtojmë që dyshja janë të martuar në shtator të vitit 2018 dhe bashkë kanë dy fëmijë, një djalë dhe një vajzë.

Ndryshe, pas një pauze të gjatë, kohë të cilën ia dedikoi familjes së saj dhe jetës private, Elita ka njoftuar se shumë shpejt pritet të rikthehet në ekranet televizive. /Telegrafi/