Elhaid Cufi pas eliminimit nga Big Brother VIP: Mbase duhej të dilja nga vetja që të qëndroja më gjatë

Shkrimtari Elhaid Cufi ishte banori i parë që u eliminua nga shtëpia e famshme Big Brother VIP.

Cufi u eliminua mbrëmë me votën e publikut, duke e bërë që ai të përfundojë i pari garën e nisur rreth dy javë më parë.

Pas largimit nga spektakli, Elhaidi ka bërë një postim në llogarinë e tij zyrtare në Instagram, ku përveç që falënderojë produksionin që e bën pjesë të këtij programi dhe fansat e tij që e votuan, ai tha se ndoshta duhej të dilte pak nga vetja, që të qëndronte më gjatë.

“Falënderoj nga zemr Big Brother VIP që më bëri pjesë e nji programi të tillë.Dhe pse isha i pari që dola me dëshirën e publikut, ju falënderoj gjithsecilin nga ju për qindra mesazhe të mira, e për votat që më keni dergu. Ndoshta nuk qëndrova mjaftueshëm që të jepja ma shume nga vetja. Ose mbase “duhet të dilja pak nga vetja, që të qëndroja ma gjatë” por nuk dal dot”.

View this post on Instagram

A post shared by Elhaid Cufi (@elhaid_cufi)

“Nji përballje e tillë me kamerat për mu nuk ishte e lehtë, por unë në mënyrën teme e kam shiju dhe transmetova nji pjesë të përditshmërisë teme. Ndjehem me fat për aq sa qëndrova. Faleminderit për dashurin që më dhuroni”, ka shkruar Elhaidi sipër një fotografi që ndau me ndjekësit në Instagram.

Ndërkohë, kujtojmë që garën për çmimin e madh prej 100 mijë eurosh po e vazhdojnë 13 konkurrentët e tjerë, ndërsa ende nuk është bërë ndonjë hyrje e re. /Telegrafi/