Ekzoskeleti Atlante që i mundëson paraplegjikëve të ecin

Kompania franceze Wandercraft ka zhvilluar ekzoskeletin që u mundëson paraplegjikëve dhe pacientëve tjera, “në mënyrë më natyrale të ecin”.

Ekzoskeleti i quajtur Atlante ka marrë certifikatën e nevojshme në Evropë e njohur si MDR, që i mundëson pacientëve dhe personelit mjekësor që ta përdorin, transmeton Telegrafi.

Gjithashtu ekzoskeleti paraqet një hap para në fushën e ekzoskeletëve të personalizuar. Gjenerata e parë e ekzoskeletit të Wandercraft vite më parë ishte prezantuar në kohën kur robotika në masë të madhe është avancuar.

Ekzoskeleti është një robot (që bartet) që është adaptuar për çdo përdorues, dhe i dizajnuar për të ndihmuar në rehabilitim dhe mjekim – përkatësisht rikthimin e ecjes te pacientët.

Atlante është gjenerata e dytë e ekzoskeletit të Wandercraft – vjen me një telekomandë për kontroll si dhe aplikacionin –përmes të cilit fizioterapeutit dhe pacientit në detaj mund t’ua rikujtoj programin për ushtrime.

Atë e vënë në lëvizje dy sete të baterive që mundësojnë përdorimin e vazhdueshëm. Modeli i ri është më i vogël dhe më i përshtatshëm për pacientë falë harduerit të ri – e pjesë e tij është edhe softueri i “mençur”.

Kjo pajisje tani mbanë vetë baraspeshimin, është më i lehtë për tu kontrolluar si për pacientë ashtu edhe për fizioterapeutë. Wandercraft ruan baraspeshimin edhe kur lëviz. Gjithashtu tani pacienti e ka më të lehtë të ngritet.

Wandercraft ka për qëllim që ky ekzoskelet, të jetë pajisja e personalizuar që mund të përdoret nëpër shtëpi dhe rrugë. Kompania franceze ka shpenzuar 45 milionë dollarë që të “përmbush misionin”. /Telegrafi/