Ekuadori pranoi gol duke luajtur me 10 lojtarë për katër minuta, pasi zëvendësuesi nuk po gjente fanellën për t’u inkuadruar në lojë

Kishte një qeshje kaotike në barazimin 1-1 të Ekuadorit me Perunë të mërkurën mbrëma, pasi mysafirët pranuan gol duke luajtur me 10 lojtarë për një periudhë në pjesën e dytë – pas mungesës së fanellës së një lojtari që priste të inkuadrohej.

Ekuadori kaloi në epërsi 1-0 në fillim përmes Michael Estrada, por një goditje nga Edison Flores në minutën e 69-të siguroi ndarjen e pikëve.

Goli u shënua gjatë një periudhe prej katër minutave ku Ekuadori ishte i ‘humbur’ pasi lojtari Ayrton Preciado pësoi një thyerje të këmbës dhe duhej të largohej nga loja me barelë.

Por Diego Palacios, njeriu që ishte gati për ta zëvendësuar, humbi fanellën e tij në stol dhe pati një vonesë të gjatë pasi stafi u përpoq me nxitim për ta gjetur atë.

¡Lo cogieron sin camiseta!

Ecuador ?? estuvo 4 mins con 10 jugadores por la lesión de Ayrton Preciado y en ese tiempo le empató Perú ??.

La camiseta de Diego Palacios (el reemplazante) desapareció y al utilero le tocó ir al camerino a buscar otra. ?pic.twitter.com/p8cM2iZmET

— Deybi León (@dleondeportes) February 2, 2022

Njeriu që përkujdeset për fanella u desh të kthehej në zhveshtore për të gjetur një fanellë, por Palacios, i cili luan për Los Angeles FC, me të vërtetë qëndroi në stol për plot 240 sekonda.

Ai përfundimisht hyri në ndeshje vetëm pasi ekipi i tij pranoi golin e barazimit, por për Ekuadorin ishte një mundësi e madhe e humbur pasi një fitore do t’i kishte siguruar biletën e tyre për Kupën e Botës “Katar 2022”.

VIDEO de la TV peruana en el momento en que Diego Palacios no tenía camiseta para ingresar al cambio ??‍♂️
Luego llegó el gol de Perú ?⤵️ pic.twitter.com/S1CwDRqk6f

— Edu Andino (@eduandinoe) February 2, 2022

El fútbol es de pequeños detalles. El gol peruano llegó cuando Ecuador jugaba con diez ¿porque? El jugador Diego Palacios que reemplazó al lesionado Ayrton Preciado no tenía la camiseta y la tuvieron que ir a buscar al vestuario. El Dr.Bilardo se hubiera vuelto loco.

— Sammy Sadovnik (@sadovnik1965) February 2, 2022

Menaxheri Gustavo Alfaro u ankua për incidentin e kushtueshëm që çoi në barazimin me Perunë.

“Kishte një detaj, sepse kur Ayrton u dëmtua, doja të inkuadroja Palacios, fanella u zhduk dhe kjo është arsyeja pse ne nuk mundëm ta bënim ndryshimin”.

“Në atë moment kur ata sollën fanellën, gjyqtari tashmë e kishte vënë topin në lëvizje dhe neve na mungonte një lojtar dhe ja ku erdhi loja”, tha ai pas ndeshjes.

Ekuadori është aktualisht i treti në tabelën e Amerikës së Jugut, tre pikë përpara Uruguait të vendit të katërt.

Ata luajnë në udhëtim te Paraguai në ndeshjen e tyre të radhës në mars dhe do të kërkojnë të sigurojnë kualifikimin për në Katar. /Telegrafi/