Egjipti bën një propozim të ri për të rivendosur marrëveshjen e armëpushimit në Gaza midis Izraelit dhe Hamasit

Egjipti bëri një propozim të ri javën e kaluar që synon rivendosjen e marrëveshjes së armëpushimit të Gazës, thanë burimet e sigurisë për Reuters të hënën.

Propozimi vjen pas një përshkallëzimi të dhunës pasi Izraeli rifilloi operacionet ajrore dhe tokësore kundër Hamasit të martën e kaluar, duke i dhënë fund efektivisht një periudhe dymujore qetësie relative.

Sipas mediave të huaja, përcjell Telegrafi, plani egjiptian sugjeron që Hamasi të lirojë pesë pengje izraelite çdo javë, me Izraelin që të zbatojë fazën e dytë të armëpushimit pas javës së parë, thanë burimet.

Si SHBA ashtu edhe Hamasi ranë dakord me propozimin, thanë burimet e sigurisë, por Izraeli nuk ishte përgjigjur ende.

Burimet thanë se propozimi i Egjiptit përfshin gjithashtu një afat kohor për lirimin e të gjithë pengjeve në këmbim të një afati kohor për tërheqjen e plotë të Izraelit nga Gaza, të mbështetur nga garancitë e SHBA-së.

Hamasi ka akuzuar Izraelin për “shkeljen” e kushteve të marrëveshjes së armëpushimit të janarit, por ka thënë se është ende i gatshëm të negociojë një armëpushim dhe po studion propozimet nga i dërguari special i presidentit amerikan Donald Trump, Steve Witkoff. /Telegrafi/